Рәсәй ғалимдары яман шеште тиҙ арала диагностикалау технологияһын әҙерләгән

ӨФӨ, 2018 йыл, 9 июнь. /«Башинформ» мәғлүмәт агентлығы/. «Сколково» инновация үҙәгендә яман шештең һигеҙ төрөн тиҙ арала диагностикалау технологияһы әҙерләнгән. Был хаҡта «Известия» гәзите яҙа. Белгестәр әйтеүенсә, бындай тикшереүҙең хаҡы ябайына ҡарағанда бер нисә тапҡырға түбәнерәк — процедура тәүлек түгел, ә бер сәғәткә яҡын дауам итә. «Сколково» фондының биомедицина технологиялары кластеры апрель аҙағында ошо проектҡа грант ярҙамы тураһында ҡарар ҡабул итте.

Яңы технология биочип ярҙамында яман шештең бер нисә төрөн асыҡлауға ҡайтып ҡала. Был – төрлө аҡһымлы реагенттар-антиматдәләр булған ячейка менән пластик контейнер. Контейнерға һалынған биоматериалда яман шеш асыҡланһа, шул ячейка балҡый башлай. Ғәҙәти иммуногистохимия тикшереүе тәүлек самаһы дауам итә, ә бында һөҙөмтәне бер сәғәттә алырға мөмкин.

Яңы технологияның төп өҫтөнлөгө шунда: быны һәр район поликлиникаһында файҙаланырға мөмкин. Уны ҡулланыу өсөн юғары квалификациялы табип-морфолог кәрәкмәй. Йыл дауамында асыш клиник һынауға сығырға тейеш.

http://www.bashinform.ru/news/1171405-rossiyskie-uchenye-razrabotali-tekhnologiyu-bystroy-diagnostiki-raka/