Башҡортостанда һуңғы Советтар Союзы Геройына таҡтаташ асылды

Мәсетле районы хакимиәте

«Башинформ» мәғлүмәт агентлығы

ӨФӨ, 2018 йыл, 9 июнь. /«Башинформ» мәғлүмәт агентлығы/. Мәсетле районында Советтар Союзы Геройы Ҡотдос Латыповҡа таҡтаташ асыу тантанаһы үтте. Ул легендар летчик-штурмовик уҡыған Дыуан-Мәсетле ауылында Х. Фәтҡуллин исемендәге урта мәктәп бинаһына ҡуйылған.

«Ветерандарҙы хәтерләү һәр ҡайһыбыҙҙың бурысы, Ҡотдос Ҡәниф улы районыбыҙҙың берҙән-бер Советтар Союзы Геройы», — тип билдәләне үҙ сығышында муниципалитет хакимиәте башлығы урынбаҫары Гөлназ Ҡадирова. Ул шулай уҡ ҡыйыу фронтовиктың 95 йыллығы хөрмәтенә әле төрлө саралар ойошторолоуын һәм уҙғарылыуын билдәләне.

Ҡотдос Латыпов ауыр һуғыш юлын үткән, быны наградалар битендәге яҙмалар дәлилләй. Бөйөк Ватан һуғышы йылдарында ул 134 хәрби осош яһаған, 22 танкты, 40-таған автомашинаны, биш самолетты, ҡорал, хәрби припас һәм техника менән тулы ике тимер юл эшелонын, туғыҙ артиллерия батареяһын, 450 һалдат һәм офицерҙы юҡ иткән.

СССР-ҙың Юғары Советы Президиумының 1946 йылдың 15 майындағы указы менән командованиеның хәрби бурыстарын өлгөлө үтәгәне һәм шунда батырлыҡ һәм ҡаһарманлыҡ күрһәткәне өсөн лейтенант Ҡотдос Латыпов Ленин орденын һәм «Алтын йондоҙ» миҙалын тапшырыу менән Советтар Союзы Геройы исеменә лайыҡ була. Шул мәлдә уға ни бары 22 йәш булған.

Башҡортостандан һуңғы Советтар Союзы Геройы 2016 йылдың 23 декабрендә донъя ҡуйҙы. Ул Мәскәүҙәге Троекуров зыяратында ерләнгән.

http://www.bashinform.ru/news/1171563-v-bashkirii-otkryli-memorialnuyu-dosku-poslednemu-geroyu-sovetskogo-soyuza-/

#хәтер

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.