Төбәктә 18 меңдән ашыу ун беренсе класс уҡыусыһы рус теленән берҙәм дәүләт имтиханы тапшырҙы

ӨФӨ, 2018 йыл, 6 июнь. /«Башинформ» мәғлүмәт агентлығы, Эльмира Сабирова/. Башҡортостанда бөгөн, 6 июндә, рус теленән берҙәм дәүләт имтиханы уҙҙы. Уны 18 меңдән ашыу ун беренсе класс уҡыусыһы яҙҙы.

Рус теленән берҙәм дәүләт имтиханы — аттестат алыу өсөн ике мотлаҡ фәндәрҙең береһе. Аттестат алыу өсөн кәм тигәндә 24 балл йыйырға кәрәк. Ошо предметтан берҙәм дәүләт имтиханы һөҙөмтәләре теләһә ниндәй йүнәлеш буйынса юғары уҡыу йортона ингәндә лә талап ителә.

Юғары уҡыу йорттары билдәләгән минималь балл — 36.

Имтихан һөҙөмтәләре 25 июндән дә ҡалмайынса билдәле була.

Республикала имтихандар барышын йәмәғәт күҙәтеүселәре контролдә тота, уларҙың 15-е — федераль, 200-ө — муниципаль, 43-ө — төбәк һәм Башҡортостандың мәғариф өлкәһендә контроль һәм күҙәтеү идаралығы хеҙмәткәрҙәре. Барлыҡ имтихан пункттарында видеокүҙәтеү алып барыла һәм аудиторияларҙа ҡатнашыусылар өсөн имтихан эштәренең тулы комплектын баҫыу технологияһы файҙаланыла, тип билдәләнеләр республиканың Мәғариф министрлығында.

http://www.bashinform.ru/news/1170277-v-bashkirii-ege-po-russkomu-yazyku-sdali-bolee-18-tysyach-odinnadtsatiklassnikov/