Башҡортостанда йәшәүселәр мәктәптәрҙә һәм балалар баҡсаларында туҡланыуға ялыу бирә ала

ӨФӨ, 2018 йыл, 16 май. /«Башинформ» мәғлүмәт агентлығы, Дарья Петрова/.18-25 майҙа Башҡортостан буйынса Роспотребнадзор идаралығы мәктәп уҡыусылары һәм балалар баҡсалары тәрбиәләнеүселәренең ата-әсәләре өсөн «ҡыҙыу элемтә» ойоштора. Республика халҡына мәктәптәрҙә һәм балалар баҡсаларында туҡланыу һорауҙары буйынса консультация бирәләр. Ведомствоның матбуғат хеҙмәтенән хәбәр итеүҙәренсә, ата-әсәләрҙең балаларҙың ойошторолған туҡланыу сифаты һәм хәүефһеҙлеге буйынса тәҡдимдәре һәм теләктәре яңы уҡыу йылы планын булдырғанда иҫәпкә алына.

«Ҡыҙыу элемтә» телефоны: 8 800 700 90 30.

Шылтыратыуҙар эш көндәрендә иртәнге сәғәт 10-дан көндөҙгө 4-кә тиклем ҡабул ителә. Тәнәфес – сәғәт 12-нән 1 тула 15 минутҡа тиклем. Шул уҡ көндәрҙә Башҡортостан Республикаһы буйынса Ҡулланыусыларҙың хоҡуҡтарын һәм кеше именлеген яҡлау өлкәһендә федераль күҙәтеү хеҙмәте идаралығының йәмәғәт ҡабул итеү бүлмәһендә лә (Рихард Зорге урамы, 58, 104-се бүлмә) консультация алырға мөмкин. Ҡабул итеү бүлмәһе көндөҙгө сәғәт 1-ҙән 4-кә тиклем эшләй.

Шулай уҡ Башҡортостандың Гигиена һәм эпидемиология үҙәгендә Ҡулланыусыларҙың хоҡуҡтарын яҡлау буйынса консультация үҙәге «ҡыҙыу элемтә» ойоштора. Телефон: 8 (347) 287 85 18. Шылтыратыуҙар иртәнге сәғәт 10-сы яртынан 5-кә тиклем ҡабул ителә, төшкө аш ваҡыты сәғәт 1-ҙән 2-се яртыға хәтлем.

http://www.bashinform.ru/news/1158328-zhiteli-bashkirii-smogut-pozhalovatsya-na-pitanie-v-shkolakh-i-detsadakh/