Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Ҡар
Бөтә яңылыҡтар
Йәмғиәт
8 Май 2018, 15:21

Башҡортостан мосолмандарының Диниә назараты Рамаҙан айында мосолмандар өсөн ураҙа тотоу көндәрен һәм саҙаҡа күләмен атаны

Олег Яровиков
Олег Яровиков
ӨФӨ, 2018 йыл, 8 май. /«Башинформ» мәғлүмәт агентлығы, Гөлфиә Акулова/. Башҡортостан мосолмандарының Диниә назараты ураҙа тотоу көндәрен, шулай уҡ фытыр саҙаҡа (мосолман Рамаҙан айында Ураҙа байрамына тиклем түләргә тейеш), фидиә (әгәр мосолман һаулыҡ торошо буйынса ураҙа тота алмаған икән) һәм нисәб (зәҡәт мөлкәт күләменән сығып иҫәпләнә) күләмен билдәләне. Тейешле фәтвәгә Башҡортостан Республикаһы мосолмандарының Диниә назараты рәйесе, мөфтөй Нурмөхәмәт Ниғмәтуллин ҡул ҡуйған.
Фәтвәгә ярашлы, быйыл Рамаҙандың тәүге көнө 16 майға тура килә. Ураҙа байрамы 15 июндә билдәләнә.
Йәшәү кимәле түбән мосолмандар өсөн фытыр саҙаҡаһы — 50 һум, урта хәллеләр өсөн — 150 һум, хәллеләр өсөн 300 һум тәшкил итә.
Ураҙаны ҡалдырған һәр көн өсөн фидиә саҙаҡаһы 180 һумға тиң, был сумма төбәктәге төп аҙыҡ-түлек хаҡына ҡарап иҫәпләнә. Ошо аҡса өлкән кешене бер көн туҡландырыуға етергә тейеш. Ураҙа тота алмаған осраҡта диндар айына 5400 һум бирә.
Республикала нисәб 224 000 һум күләмендә билдәләнгән. Унан зәҡәт 5600 һум (2,5%) килеп сыға. Әгәр диндарҙың ундай аҡсаһы булмаһа, ул зәҡәт түләмәй.
http://www.bashinform.ru/news/1154558-dum-bashkirii-nazval-daty-posta-i-summy-pozhertvovaniy-dlya-musulman-v-mesyats-ramazan/
Читайте нас: