Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
7 Май 2018, 16:30

Башҡортостанда 44 мең ветеранға Владимир Путиндан ҡотлау хаты таратыла

Олег Яровиков
Олег Яровиков
ӨФӨ, 2018 йыл, 7 май. /«Башинформ» мәғлүмәт агентлығы, Галина Бахшиева/. 9 майға тиклем Башҡортостанда Рәсәй почтаһы һуғыш ветерандарына һәм тыл эшсәндәренә Бөйөк Ватан һуғышында Еңеүгә 73 йыл тулыу уңайынан Рәсәй Президенты Владимир Путиндан 44 мең ҡотлау хаты тарата. Шуларҙың 1 709-ы — инвалидтар һәм һуғыш ветерандары, 41 294 — тыл эшсәне, шулай уҡ концлагерҙарҙың бәлиғ булмаған әсирҙәре һәм «Блокадалы Ленинградта йәшәүсе» билдәһе менән бүләкләнгәндәр.
Конверттарҙа күрһәтелгән адрестар буйынса ветерандар булмаған осраҡта, байрам көндәрендә уларға тәғәйенләнгән ҡотлау хаттары почта бүлексәләрендә һаҡлана, тип хәбәр иттеләр Пенсия фондының Башҡортостан буйынса бүлексәһенең матбуғат хеҙмәтенән.
Майҙа республикала 484 оҙон ғүмерле кеше Владимир Владимировичтан ҡотлау хаттары ала. Мәҫәлән, Баҡалы, Көйөргәҙе райондары, Благовещен, Салауат һәм Туймазы ҡалаларында йәшәгән биш ветеран бер быуатлыҡ юбилейын билдәләй. Тағы 55 кешегә 95 йәш тула, 424 кеше 90 йәшенә аяҡ баҫа.
Башҡортостанда йәшәгән биш Бөйөк Ватан һуғышында ҡатнашыусы 9 майҙа бер юлы ике байрамды: Еңеү көнөн һәм ғүмер байрамын билдәләй. Уларҙың иң олоһона Еңеү көнөндә 101 йәш була.
http://www.bashinform.ru/news/1154158-personalnye-pozdravleniya-vladimira-putina-poluchat-44-tysyachi-veteranov-bashkirii/
Читайте нас: