Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Йәмғиәт
26 Апрель 2018, 17:03

Ял көндәрендә өфөләрҙе йүгергән ыңғайы сүп-сар йыйырға саҡыралар

ӨФӨ, 2018 йыл, 26 апрель. /«Башинформ» мәғлүмәт агентлығы, Гөлфиә Акулова/. Йәкшәмбе, 29 апрелдә, Өфөлә тәүге тапҡыр плоггинг — сәләмәт йәшәү рәүешен һәм экология тураһында хәстәрлек күреүҙе берләштергән акция уҙғарыла. Өфөләрҙе йүгергән ыңғайы сүп-сар йыйырға саҡыралар. Сараны ойоштороусылар — Башҡортостандың Тәбиғәттән файҙаланыу һәм экология министрлығы, сәләмәт тормош алып барған кешеләрҙе берләштеррегә ынтылған «I Love Supersport Ufa» дөрөҫ спорт мәктәбе.
Яңы фитнес йүнәлеше экология, шулай уҡ һаулыҡ өсөн дә файҙалы, ти акцияны ойоштороусылар. Сөнки йүгергәндә ваҡыты-ваҡыты менән эйелеү һәм бөгөлөү әкрен генә йүгереүгә ҡарағанда файҙалыраҡ. Бынан тыш, иң күп сүп-сар йыйған йүгереүселәргә бағыусынан — Hilton отеленән бүләктәр ҡаралған.
Сара иртәнге сәғәт 10-да башлана. Адресы: Аксаков урамы, 4. Һылтанма буйынса теркәлеү мотлаҡ.
http://www.bashinform.ru/news/1150635-v-vykhodnye-ufimtsev-priglashayut-na-probezhku-so-sborom-musora/
Читайте нас в