Өфөлә март аҙағында балалары һыуға батып үлгән ғаилә бар уңайлыҡтары булған йортҡа күсенде

ӨФӨ, 2018 йыл, 11 апрель. /«Башинформ» мәғлүмәт агентлығы, Эльмира Сабирова/. Өфөлә март аҙағында балалары һыуға батып үлгән ғаилә бар уңайлыҡтары булған йортҡа күсенде. Әлеге ваҡытта ата-әсә дүрт балаһы менән Ивановка ҡасабаһында йәшәй. Йорт йылытыла, йәшәү өсөн уңайлы шарттар булдырылған. Өлкәндәре Яңы Черкассы ҡасабаһында 125-се мәктәптә уҡый, тип хәбәр иттеләр Орджоникидзе районы хакимиәтенең мәғлүмәт-аналитика бүлегенән.

«Башинформ» хәбәр иткәнсә, 24 мартта 4-се баҡсала икенсе класс уҡыусыһы бәхетһеҙлеккә тарый. Быға тиклем ғаиләнең үҙ торлағы булмаған, улар баҡса йортонда йәшәгән. Яңғыҙы йөрөгән малай йылғалағы мәкегә төшөп киткән. Баланы ҡотҡарып өлгөрмәйҙәр. Ваҡиға урынына килгән ашығыс ярҙам бригадаһы малайҙың үлемен раҫларға мәжбүр була.

Район хакимиәтендә белдереүҙәренсә, әлеге ғаиләнең яҙмышы күҙәтеү аҫтына алынған.

http://www.bashinform.ru/news/1142226-v-ufe-semya-v-kotoroy-v-kontse-marta-utonul-rebenok-pereekhala-v-blagoustroennoe-zhile/