Апрелдә ниндәй көндәрҙә магнит дауылы көтөлә

ӨФӨ, 2018 йыл, 6 апрель. /«Башинформ» мәғлүмәт агентлығы, Ғәлиә Нәбиева/. Өфө планетарийы ғалимдары магнит дауылдары көндәрен атаны. Апрелдә ни бары бер магнит дауылы көтөлә, ул 12 апрелдә була. Ҡояштың магнит майҙаны һәм ҡояш еле структураһынан математик анализ һөҙөмтәләренән ошондай фараз килә. 70 процент ихтималлыҡ менән ваҡиға минималь көскә эйә була һәм 10 процент мөмкинлек менән – икенсе кимәлдә. Ҡалған 20 процент был көндө еңелсә магнит тойғоһон күҙәтеү ихтималлығына тура килә.

Эксперттарҙың баһаһы буйынса, айҙың тәүге ун көнөндә геомагнит торошо тыныс буласаҡ. Был осорҙа еңелсә геомагнит тойғоһо 10 проценттан түбән баһалана. 11-15 апрелдә, Ер шары ҡояш еле тулҡыны тәьҫирендә булғанда, ул айырыуса һиҙелә. Айҙың икенсе яртыһында, 15 апрелдән һуң, айырым ҡыҫҡа ваҡытлы һиҙеүҙәр генә ихтимал (яҡынса мәғлүмәттәр буйынса, 19, 21, 25 һәм 26 апрелдә).

Көтөлгән геомагнит фоны бик түбән тип баһалана. Ҡояш әүҙемлеге ҡарашынан эре балҡып китеү һәм плазма сығарыу мөмкинлеге бер проценттан аҙыраҡ тәшкил итә.

http://www.bashinform.ru/news/1140301-nazvany-daty-magnitnykh-bur-v-aprele/