Өфөлә шәмбе өмәләре 14 апрелдә башлана һәм улар шәфҡәтлекле була

ӨФӨ, 2018 йыл, 5 апрель. /«Башинформ» мәғлүмәт агентлығы, Эльмира Сабирова/. Быйыл Өфөлә «Төрлө төҫлө өмөләр» уҙғарыла.

Улар шәфҡәтле сифатҡа эйә буласаҡ: ҡалдыҡтарҙы сортлауҙан һәм сеймалды эшкәртеүҙән килгән аҡсалар ауырыу балаларҙың реабилитацияһына йүнәлтеләсәк.

Эстафетаны 14 апрелдә иртәнге сәғәт 11-ҙә Октябрь районы башлай, йыйылыу урыны: Бикбай урамы, 39. Майҙансыҡ: Ҡариҙел йылғаһы буйы; 21 апрелдә башланғысҡа Дим районы ҡушыла, йыйылыу урыны: Үҙәк урамы, 50Б. Майҙансыҡ: урман массивы; 28 апрелдә шәмбе өмәһен Совет районында үткәрәләр, йыйылыу урыны: мангал зонаһы. Майҙансыҡ: Урмансылар паркы; 5 майҙа Орджоникидзе районында, йыйылыу урыны: «Биатлон» спорт комплексына төшкән ерҙә. Майҙансыҡ: Биатлон; 12 майҙа Калинин районы саҡыра; йыйылыу урыны: Мушников урамы, 13. Майҙансыҡ: Йылы күле; 19 майҙа Киров районын тәртипкә килтерәләр, йыйылыу урыны: Аврора урамы, 14-16. Майҙансыҡ: Йәшел сауҡалыҡ; 26 майҙа Ленин районында; йыйылыу урыны: «5-се мәктәп-интернат» туҡталышы. Майҙансыҡ: «Тулҡын» скверы.

Бөтә өмәләр ҙә иртәнге сәғәт 11-ҙә башлана.

http://www.bashinform.ru/news/1139512-v-ufe-subbotniki-nachnutsya-14-aprelya-i-budut-blagotvoritelnymi/