Республикалағы юғары уҡыу йорттарының һәм ғилми учреждениеларҙың йәш ғалимдары проекттарын конкурсҡа тәҡдим итә ала

ӨФӨ, 2018 йыл, 3 апрель. /«Башинформ» мәғлүмәт агентлығы, Эльмира Сабирова/. Башҡортостандағы юғары уҡыу йорттарының һәм ғилми учреждениеларҙың йәш ғалимдары проекттарын ғилми эштәр конкурсына тәҡдим итә ала. Быйыл конкурс түбәндәге йүнәлештәр буйынса уҙғарыла: физика-математика фәндәре; химия фәндәре; гуманитар фәндәре; биология фәндәре. Генетика һәм биотехнологиялар; медицина фәндәре. Фармация; иҡтисади фәндәр; экология. Ер тураһында фәндәр. Ресурстарҙы һаҡсыл файҙаланыу; мәғлүмәти технологиялар; иҫәп техникаһы; нанотехнологиялар һәм наноматериалдар; музыка һәм художество сәнғәте. Сәнғәт фәне; заманса инженерия-техник проекттар (проекттың технологик яңылығы һәм уны Волга буйы федераль округы төбәктәрендә етештереүгә индереү әҙерлеге).

Конкурста эше тәҡдим ителгәнгә тиклем 35 йәшкәсә аспиранттар, фән кандидаттары һәм 40 йәшкә тиклем фән докторҙары һәм йәш ғилми коллективтар (5 кешенән күп түгел) ҡатнаша ала.

Дәғүәсәлер Рәсәй Федерацияһы гражданы булырға һәм даими рәүештә Башҡортостан биләмәһендә эшләргә йәки уҡырға тейеш.

Шулай уҡ мәктәп уҡыусылары өсөн өҫтәмә ике номинация иғлан ителә: техник фәндәр һәм тәбиғи фәндәр.

Ғилми эштәр тикшеренеү һөҙөмтәләре сифатында баҫылып сыҡҡандан һуң ҡабул ителә.

Ғаризаларҙы 2 апрелдән 11 майға саҡлы бирергә кәрәк.

Конкурсты Башҡортостан Йәштәр сәйәсәте һәм спорт министрлығы булышлығында Рәсәйҙең йәш ғалимдар союзының Башҡортостан төбәк бүлексәһе ойоштора.

Бөтә мәғлүмәттәр йәш ғалимдар ойошмаһы сайтында баҫылып сыҡҡан.

http://www.bashinform.ru/news/1138139-molodye-uchenye-vuzov-i-nauchnykh-uchrezhdeniy-bashkirii-mogut-predstavit-svoi-proekty-na-konkurs/