Башҡортостан һәм Өфө яңылыҡтары
77.36
+0.67
87.59
+0.69
86.68
+0.41
-18 °C
Болотло
Бөтә яңылыҡтар
Йәмғиәт
3 Апрель 2018, 12:55

Республикала киҙеү сигенмәй: бер аҙнала 27 меңдән ашыу кеше киҫкен респиратор вирус инфекцияһы менән ауырыған

«Башинформ» мәғлүмәт агентлығы
ӨФӨ, 2018 йыл, 3 апрель. /«Башинформ» мәғлүмәт агентлығы, Ғәлиә Нәбиева/. Башҡортостанда киҫкен респиратор вирус инфекцияһы менән ауырыу буйынса эпидемик сик 12 процентҡа артҡан. Марттың һуңғы аҙнаһында республикала 27 741 кеше ауырыған, тип хәбәр иттеләр Роспотребнадзорҙың төбәк идаралығында. Алдағы аҙна менән сағыштырғанда эпидемик сик 8 процентҡа кәмегән, тип асыҡлыҡ индерҙеләр ведомствола. Матбуғат хеҙмәте белгестәре төбәктә элеккесә А һәм Б тибындағы киҙеү менән ауырыу осраҡтары теркәлгәнен иҫбатланы. Эпидемиологтар төбәктә ауырыуҙың артабанғы үҫеше буйынса фараздар биреүҙән тыйыла.
19-25 мартта Рәсәй Федерацияһында дөйөм халыҡ буйынса 29 субъектта киҙеү һәм киҫкен респиратор вирус инфекцияһы менән ауырыу аҙналыҡ эпидемик сиктән артҡан. Үҙәк ҡала буйынса эпидемик сиктең артыуы һигеҙ ҡалала теркәлгән.
Яңы тыуған сабыйҙарҙан ике йәшкәсә балалар араһында 10 төбәктә киҙеү һәм киҫкен респиратор вирус инфекцияһы менән ауырыу аҙналыҡ эпидемик сиктән артҡан, 3-6 йәштәге балалар араһында – 18, 7-14 йәштәгеләр араһында – 21, 15 йәштән өлкәндәр араһында – 27 төбәктә.
Аҙна эсендә 10 меңдән ашыу кеше лаборатор тикшереү үткән. Киҙеү вирусының өлөшө 67,8 процентҡа артҡан, В (21,7%) һәм А(H1N1) pdm09 (25,54%) киҙеүе вирустары өҫтөнлөк итә.
http://www.bashinform.ru/news/1138371-v-bashkirii-gripp-ne-otstupaet-za-nedelyu-diagnoz-orvi-postavlen-bolee-27-tysyacham-zhiteley/
Автор:Ғәлиә Нәбиева