Өфөлә бер ҡатындың балаһы үле тыуған

ӨФӨ, 2018 йыл, 16 март. /«Башинформ» мәғлүмәт агентлығы, Ксения Калинина/. Башҡортостан буйынса Тәфтиш комитеты Өфө поликлиникаларының береһендә эшләгән 71 йәшлек акушер-гинекологҡа ҡарата енәйәт эшен тикшереүҙе тамамланы. Ул «үҙенең һөнәри бурыстарын тейешенсә үтәмәү һөҙөмтәһендә кешенең һаулығына ауыр зыян килтереү» статьяһы буйынса ғәйепләнә.

Тәфтиш идаралығының матбуғат хеҙмәтенән хәбәр итеүҙәренсә, 2013 йылдың авгусынан 2014 йылдың мартына тиклем 28 йәшлек ҡатын йәшәгән урыны буйынса поликлиникала акушер-гинекологта йөклөлөк буйынса иҫәптә торған. Медик йөклөлөк патологияһына хәүеф янауын баһалап еткермәгән һәм пациентты стационарҙа дауаланыуға ебәрмәгән. Табиптың үҙ эшенә һалҡын ҡарауы арҡаһында ҡатын үле бала тапҡан. Яралғының муйынына кендек бауы уралған булған.

Хәҙер эш тикшереү өсөн судҡа ебәрелгән.

http://www.bashinform.ru/news/1129172-zhitelnitsa-ufy-rodila-mertvogo-rebenka-akusher-ginekolog-poydet-pod-sud/