Силәбе өлкәһендә йәшәүселәр башҡорт теленән диктант яҙҙы

«Уралым» гәзите

IMPORT Сервисный

ӨФӨ, 2018 йыл, 6 март. /«Башинформ» мәғлүмәт агентлығы, Әлим Фәйезов/. Силәбелә 500-гә яҡын кеше башҡорт теленән белемдәрен тикшерҙе. Проектты Башҡортостандың Урал федераль округындағы вәкиллеге һәм өлкәнең Башҡорт ҡоролтайы проектты хупланы.

Башҡорт теленән диктант яҙырға Әлиә Ноғоманова тәҡдим иткән. Ул уҡытыусы һәм филолог булараҡ туған телде үҫтереүгә һәм пропагандалауға йүнәлтелгән ошондай проекттарҙың әһәмиәтен яҡшы аңлай. Быға тиклем уның булышлығында Златоуст ҡалаһында башҡорт теленән төбәк диктанты үткәрелгәйне. Быйыл ул Башҡортостандың Урал федераль округындағы даими вәкиллеге һәм өлкәнең Башҡорт ҡоролтайы ярҙамында проектты өлкә кимәленә сығарыуға өлгәште.

Көньяҡ Уралда йәшәүселәр сараға ныҡлы әҙерләнгән. Арғаяш районы ҡатнашыусылар һаны буйынса айырылып торҙо — Арғаяш, Яратҡол, Ҡуянбай, Байғаҙы, Дәрбиш, Ҡуйһары, Көҙәш, Ҡолой, Березовка, Аҡбаш ауылдарынан 332 кеше диктант яҙҙы. Златоуста иһә 42 кеше ҡатнашҡан диктант ижади коллективтар ҡатнашлығындағы сағыу тамашаға әүерелде. Сара төрлө район, ауыл һәм ҡалаларҙың киң мәғлүмәт саралары вәкилдәрендә лә ҙур ҡыҙыҡһыныу уятты. Ҡоншаҡ районында — 40, Магнитогорскиҙа — 38, Сыбаркүл районында — 30, Силәбелә 16 кеше туған телдән белемдәрен тикшерҙе.

Диктант тексы Сосновка районы шағиры Урал Ҡолошовтың «Бәхет хаҡында әкиәт» хикәйәһенән алынды. Ҡатнашыусылар әйтеүенсә, әҫәрҙәге мәңгелек ҡиммәттәр тураһында идея уларҙың күңеленә хуш килгән.

Диктантты ойоштороусылар проекттың партнерҙарына һәм ярҙамсыларына: Башҡортостандың Урал федераль округындағы даими вәкиллегенә, Силәбе өлкәһенең Башҡорт ҡоролтайына, мәктәп директорҙарына һәм уҡытыусыларға, урындағы әүҙемселәргә рәхмәт белдерҙе.

Диктант яҙған һәр кешегә ҡатнашыусы сертификаты тапшырыла, ә еңеүсе йәш һәм популяр яҙыусы Айгиз Баймөхәмәтовтың автографлы «Ҡалдырма, әсәй!», «Әкиәтһеҙ бала саҡ» һәм «Урам балалары» китаптары менән бүләкләнә.

Башҡорт теленән киләһе диктант көҙгә билдәләнгән, ул Халыҡтар берҙәмлеге көнөнә арнала, тип хәбәр иттеләр «Уралым» гәзите редакцияһынан.

http://www.bashinform.ru/news/1125333-zhiteli-chelyabinskoy-oblasti-napisali-diktant-po-bashkirskomu-yazyku/

1 из 4

#диктант

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.