Өфөлә студенттар һәм уҡыу йорттарын тамамлаусылар өсөн кадрҙар форумы уҙғарыла

ӨФӨ, 2018 йыл, 27 февраль. /«Башинформ» мәғлүмәт агентлығы, Дарья Петрова/. 1 мартта Өфөлә IV вуз-ара кадрҙар форумы үткәрелә, унда Башҡортостандан һәм Рәсәйҙең башҡа төбәктәренән эш биреүселәр ҡатнаша. Ойоштороусылар – Башҡортостан юғары уҡыу йорттарының ректорҙар советы һәм Башҡортостан күргәҙмәләр компанияһы. Сара Хөкүмәт, Мәғариф, Сәнәғәт министрлыҡтары, Башҡортостандың Сауҙа-сәнәғәт палатаһы һәм Өфөләге Йәштәр мәшғүллегенә булышлыҡ итеү үҙәге ярҙамында уҙғарыла.

Форум программаһында студенттар һәм уҡыу йорттарын тамамлаусылар өсөн йәрминкә ҡаралған. Йәштәргә нефть-газ сәнәғәте, машиналар эшләү, химия сәнәғәте, аҙыҡ-түлек һәм эшкәртеүсе сәнәғәт, еңел һәм туҡыу сәнәғәте, агросәнәғәт комплексы предприятиелары, экология, төҙөлөш, страховкалау, аудит һәм банк хеҙмәттәре, туристик һәм ресторан бизнесы, көнкүреш хеҙмәттәре өлкәһе, сауҙа, сервис, телекоммуникация системалары, тирә-яҡ мөхит һәм интерьер дизайны, белем биреү хеҙмәттәре кеүек өлкәләрҙәге вакансиялар тураһында мәғлүмәт биреү күҙаллана.

Шулай уҡ йәш белгестәр кадрҙар агентлыҡтары һәм предприятиеларҙағы кадрҙар хеҙмәте етәкселәре ойошторған оҫталыҡ дәрестәрендә һәм викторинала ҡатнаша ала.

Ҡасан: 1 мартта, иртәнге сәғәт 10-дан 1-гә тиклем

Ҡайҙа: Өфө, Менделеев урамы, 158, ВДНХ-Экспо

http://www.bashinform.ru/news/1121928-v-ufe-proydet-kadrovyy-forum-dlya-studentov-i-vypusknikov/