Башҡорт Википедияһында «Башҡортостан 100» вики-марафонының сираттағы этабына старт бирелде

IMPORT Сервисный

ӨФӨ, 2018 йыл, 22 февраль. /«Башинформ» мәғлүмәт агентлығы, Әлим Фәйезов/. 21 февралдә, Халыҡ-ара туған телдәр көнөндә, Башҡорт Википедияһы ирекмәндәре «Башҡортостан 100» интеллектуаль конкурсының сираттағы этабы башланыуы хаҡында иғлан итте.

«Беҙ реаль эштәр башҡарабыҙ. Кисә «Башҡортостан 100» халыҡ-ара супер-викиконкурсының дүртенсе этабы башланды. Социаль селтәрҙә Башҡорт Википедияһы ирекмәндәре һәм дуҫтарыбыҙ «туған телеңдә бер мәҡәлә» акцияһын әүҙем күтәреп алды. Кисә ҡатнашыусылар һаны — 14, мәҡәләләр 15 ине. Берәүһе — украин, өсәүһе азербайжан телендә. Рәхмәт, дуҫтар!» — тип хәбәр итә Facebook селтәрендәге сәхифәһендә танылған журналист һәм Башҡорт Википедияһының әүҙем ирекмәне Зәйтүнә Ниғәмәтйәнова.

«Был — ысын мәғәнәһендә халыҡ-ара конкурс. Бынан алдағы этаптарҙа, башҡорт ирекмәндәре менән бергә, бүрәт, украин, лезгин, эрзян, белорус, азербайжан, грузин, мари, рус, әрмән, тыва, чечен, Люксембург, Ҡырым татарҙары бүлектәре вәкилдәре ҡатнашты. Улар Википедияла Башҡортостан тураһында 2500 самаһы мәҡәлә яҙҙы», — тип хәбәр итте «Башинформ» агентлығына Башҡорт Википедияһы администраторы Рөстәм Нурыев.

Конкурстың дүртенсе этабының партнеры — «Берҙәм Рәсәйҙең йәш гвардияһы» Бөтә Рәсәй йәмәғәт ойошмаһының Башҡортостандағы төбәк бүлексәһе.

«Йәш гвардия ағзалары тарихи хәтерҙе һаҡлауға Рәсәй Федерацияһы Президенты гранты сиктәрендә вики-марафонды яҡлау башланғысы менән сығыш яһаны. Хәҙер беҙ бишенсе, һуңғы этап, шулай уҡ әүҙем мөхәррирҙәр — «Башҡортостан 100» вики-марафоны еңеүселәренә Башҡортостанға вики-экскурсия ойоштороу өсөн партнерҙар эҙләйбеҙ», — тип өҫтәне Башҡорт Википедияһы администраторы.

http://www.bashinform.ru/news/1120897-v-bashkirskoy-vikipedii-dan-start-ocherednomu-etapu-viki-marafona-bashkortostan-100/

#википедия #республиканың 100 йыллығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.