Республикала дайверҙар Һаҡаҫҡы мәмерйәһенең 3D-картаһын төҙөй башланы

«Башинформ» мәғлүмәт агентлығы

ӨФӨ, 2018 йыл, 15 февраль. /«Башинформ» мәғлүмәт агентлығы, Әлим Фәйезов/. Башҡортостанда Һаҡаҫҡы мәмерйәһен тикшереү буйынса икенсе экспедиция тамамланды.

Бер нисә көн дауам иткән эштәрҙе Рәсәйҙең төрлө төбәктәренән дайвер-спелеологтар төркөмө башҡарҙы.

Алдан хәбәр ителгәнсә, Һаҡаҫҡы Рәсәйҙә иң оҙон һыу аҫты мәмерйәһе исеменә дәғүә итә, уның һыу аҫты юлдарының оҙонлоғо егерме саҡрымға етеүе мөмкин. Мәмерйәнән Сумған яҫы таулығы буйлап аҡҡан ер аҫты йылғаһы башлана.

Экспедицияны ойоштороусылар булып Башҡортостандың Экология министрлығы, Эшҡыуарлыҡ һәм туризм буйынса дәүләт комитеты, «Башҡорт ауылы» турбазаһы, «Юрматы» хәйриә фонды сығыш яһаны.

Экспедиция барышында маршрут һалыу дауам иткән — уның буйынса дайвер һәр саҡ мәмерйәнән сығыу юлын таба ала. Өйрәнелгән урындың дөйөм оҙонлоғо 1 саҡрымға етеп килә. Тикшереүселәр яңы һыу аҫты юлдары булған ҙур залға сыҡҡан.

«Рәсәй компанияларының заманса ысулдары ярҙамында мәмерйәнең 3D-картаһын төҙөү башланды. Ғалимдарҙың үтенесе буйынса һуҡыр ҡыҫалаларҙы тоттоҡ, — тине экспедиция етәксеһе, Урал, Башҡортостан һәм Флоридала һыу аҫты мәмерйәләрен тикшереүсе, мәмерйә һәм дайвинг буйынса инструктор-тренер, Рус география йәмғиәтенең Урал бүлексәһе ағзаһы Евгений Рунков.

Мәмерйәгә ингән ерҙә тейешле күнекмәһеҙ һәм ҡорамалһыҙ артабан йөҙөү хәүефле тип яҙылған иҫкәртеүсе табличка ҡуйылған, бындайҙарҙы донъялағы күпселек һыу аҫты мәмерйәләрендә күрергә мөмкин.

«Беҙ мәмерйәне өйрәнеүҙе дауам итергә уйлайбыҙ һәм күп кешеләр ҡатнашлығында яңы экспедиция планлаштыра башланыҡ, уның маҡсаты — яңы юлдарҙы өйрәнеүҙе дауам итеү һәм Башҡортостанда кейв-дайвингты популярлаштырыу. Эштәрҙе башҡарыуҙың хәүефһеҙлеген тәьмин иткән өсөн Башҡортостан Республикаһы Ғәҙәттән тыш хәлдәр министрлығының баш идаралығына, атап әйткәндә, Өфө авария-ҡотҡарыу отрядына рәхмәт белдерәбеҙ», — тине Евгений Рунков.

«Шарттар мәмерйә тураһында фильм төшөрөргә мөмкинлек бирмәһә лә, беҙ ҙур булмаған видеролик эшләнек, ул мәмерйә өҫтөндәге тәбиғәттең матурлығын күрһәтеүҙән тыш, һыу аҫты спелеологтарының мәмерйәне нисек тикшереүҙәре хаҡында ла мәғлүмәт бирә», — тип билдәләне экспедицияны ойоштороусы Салауат Нафиҡов.

http://www.bashinform.ru/news/1117043-v-bashkirii-dayvery-nachali-sostavlyat-3d-kartu-peshchery-sakaska/

#дайверҙар #һаҡаҫҡы #һыу аҫты мәмерйәһе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.