Башҡортостан һәм Өфө яңылыҡтары
70.52
+0.92
76.3
+0.52
85.47
+0.01
-7 °C
Болотло
Бөтә яңылыҡтар
Йәмғиәт
14 Февраль 2018, 13:50

Рөстәм Хәмитов «болотло поликлиника» проектын хупланы

Башҡортостан Башлығының матбуғат хеҙмәте
Башҡортостан Башлығының матбуғат хеҙмәте
ӨФӨ, 2018 йыл, 14 февраль. /«Башинформ» мәғлүмәт агентлығы/. Башҡорт дәүләт университетының Стәрлетамаҡ филиалы технопаркында Башҡортостан Башлығы Рөстәм Хәмитов Стәрлетамаҡтың IT-берләшмәһе йыйылған һәм студенттар өсөн мәғлүмәти технологиялар өлкәһендә проекттар әҙерләнгән коворкинг-зонала булды.
Проекттарҙың береһе – Panacea.Cloud – «болотта» медицина клиникаһы. Уның авторҙары – Башҡорт дәүләт университетының Стәрлетамаҡ һәм Сибай филиалдарының перспективалы студенттары. Идея авторы, Башҡорт дәүләт медицина университеты ассистенты, АҠШ-ла уңышлы эшләп ҡайтҡан Булат Иҙрисов проектҡа шәхси электрон карта, «болотта»рҙа мәғлүмәттәр һаҡлағысы һәм кейс-менеджер ингәнен һөйләне. Һуңғыһының бурысы – медицина ярҙамын күрһәтеүгә маршрут һалыу һәм терапия сифатын күҙәтеү. Стартап менән артабан эшләүҙе финансларға әҙер эре компаниялар ҡыҙыҡһына башлаған, әммә йәштәр әлегә үҙҙалы эшләүҙе өҫтөн күрә.
- Һеҙ шөғөлләнгән өлкә – бик ҡыҙыҡ һәм көнүҙәк. Хуплайым, – тине Рөстәм Хәмитов.
http://www.bashinform.ru/news/1116859-rustem-khamitov-podderzhal-proekt-oblachnoy-polikliniki/
Автор:«Башинформ» мәғлүмәт агентлығы
Читайте нас в