Өфөлә Рәсәйҙә тәүгә табиптарға операция яһарға робот ярҙам иткән

ӨФӨ, 2018 йыл, 14 февраль. /«Башинформ» мәғлүмәт агентлығы, Наталья Овчарук/. Робот-хирург Өфөлә Башҡорт дәүләт медицина университеты клиникаһының ике тәжрибәле табибына янбаш төбөнә операция яһарға ассистентлыҡ иткән. Республиканың медицина университеты ректоры Валентин Павлов һәм клиниканың онкология бүлексәһе мөдире Марат Урманцев робот менән бергә балаятҡы муйынтығында дүртенсе стадиялағы яман шеш сире асыҡланған йәш пациентҡа операция яһаған. Ҡыҙ химия һәм нур терапияһын үткән, әммә хәле яҡшырмаған.

«Робот хирургияһын ҡулланып, табиптарҙың һәм хирургия роботының етди һәм көйләнгән эшенә күрә ҡаты ауырыу менән яфаланған пациенттарҙы дауалау һәм уларҙың сифатлы йәшәүен дауам итеүе мөмкин», — тип һөйләнеләр Башҡорт дәүләт медицина университеты клиникаһында.

Дауахана da Vinci исемле махсус техниканы 2018 йылдың ғинуарында һатып алды. Уны башҡа медицина өлкәләрендә: йөрәк-ҡан тамырҙары хирургияһында, пульмонологияла, гастрохирургияла, нейрохирургияла, онкологияла, шул иҫәптән ағза системаларын алып ташлау талап ителгән иң ҡаты осраҡтарҙа ла ҡулланырға мөмкин.

http://www.bashinform.ru/news/1116557-v-ufe-vpervye-v-rossii-vracham-pomogal-provodit-operatsiyu-robot-/