Башҡортостанда йәшәүселәр Ғашиҡтар көнөндә һөйгәндәренә нимә бүләк итергә әҙер?

ӨФӨ, 2018 йыл, 14 февраль. /«Башинформ» мәғлүмәт агентлығы, Ксения Калинина/. Бөгөн, 14 февралдә, Изге Валентин йәғни Ғашиҡтар көнө билдәләнә. Берәүҙәр уны байрам тип иҫәпләй — бер-береһенә «валентинкалар» бирә, романтик осрашыуҙар ойоштора. Икенселәр, киреһенсә, быны хупламай һәм Хэллоуин байрамына ҡараған кеүек ҡарай. «Башинформ» агентлығы уҡыусыларыбыҙҙың үҙҙәренең икенсе яртыһына нимә бүләк итеүе һәм Изге Валентин көнөнә мөнәсәбәте менән ҡыҙыҡһынды.

Асыҡланыуынса, 164 кеше (40,9%) был «байрамды» билдәләмәй. 99 респондент (24,7%) был көндә үҙҙәренең һөйөүен бүләк итә. Һорау алыуҙа ҡатнашҡан 78 кешенең һөйгәне юҡ. 21 кеше (5,2%) — «валентинка», 11-е (2,7%) — хушбуй һәм туғыҙы (2,2%) кәнфит бүләк итергә әҙер.

Кисә «Бәйләнештә» төркөмөндә урынлаштырылған аноним һорау алыуҙа 401 кеше ҡатнашҡан (иртәнге сәғәт 12-се 7 минутҡа).

«Башинформ» агентлығы хәбәр иткәнсә, 14 февралдә республикала 100-ҙән ашыу туй була, уларҙың яртыһынан ашыуы — Өфөлә. Байрамдың тарихы тураһында өс легенда менән бында танышырға мөмкин.