Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Йәмғиәт
12 Февраль 2018, 14:40

Республика студенттары Мәскәү дәүләт университеты Юғары эшҡыуарлыҡ мәктәбенең халыҡ-ара универсиадаһында еңеү яуланы

Башҡорт дәүләт университетының матбуғат үҙәге
Башҡорт дәүләт университетының матбуғат үҙәге
ӨФӨ, 2018 йыл, 12 февраль. /«Башинформ» мәғлүмәт агентлығы, Эльмира Сабирова/. Башҡорт дәүләт университетының Стәрлетамаҡ филиалы студенттары Мәскәү дәүләт университеты Юғары эшҡыуарлыҡ мәктәбенең IV халыҡ-ара универсиадаһында еңеү яуланы. Башҡорт дәүләт университеты вәкилдәре Рәсәйҙең төрлө ҡалаларынан, шулай уҡ Нидерланд, Хорватия, Болгария, Ҡаҙағстан һәм башҡа илдәрҙән килгән ҡатнашыусылар менән бергә беренсе урындар өсөн көрәште.
Студенттар ике көн буйына инглиз теле һәм менеджмент буйынса яҙма эштәрҙе башҡарҙы, кейстар өҫтөндә эшләне, команда менән Microsoft вәкилдәренән интеллектуаль уйындарҙа көс һынашты.
Студенттар Вадим Дрыгин һәм Алина Ханнанова команда турнирында 1 урын өсөн дипломдар менән бүләкләнде. FM Logistic компанияһы вәкиле «Иң яҡшы сығыш» номинацияһында еңеү яулаған өсөн Вадимды бүләкләне, тип хәбәр иттеләр юғары уҡыу йортоноң матбуғат хеҙмәтенән.
Иҡтисад факультеты студенттары менеджмент, халыҡ-ара бизнес һәм эшҡыуарлыҡ буйынса универсиадала Башҡорт дәүләт университеты Стәрлетамаҡ филиалының «Иҡтисад факультеты студенттарын Мәскәү дәүләт университеты универсиадаларында ҡатнашыуға әҙерләү» гранты буйынса ғилми-тикшеренеү эше барышында ҡатнашты. Фәнни етәксе — иҡтисад һәм идара итеү кафедраһы доценты Наталья Анохина.
http://www.bashinform.ru/news/1115506-studenty-bashkirii-stali-pobeditelyami-mezhdunarodnoy-universiady-vysshey-shkoly-biznesa-mgu/
Читайте нас в