Башҡортостан һәм Өфө яңылыҡтары
92.75
0
100.44
0
81.68
-1.99
-24 °C
Болотло
Бөтә яңылыҡтар
Йәмғиәт
12 Февраль 2018, 10:20

Рөстәм Хәмитов Ан-148 самолеты авиафажиғәһе менән бәйле Ырымбур өлкәһе губернаторына ҡайғы уртаҡлашыу белдерҙе

Башҡортостан Башлығының матбуғат хеҙмәте
Башҡортостан Башлығының матбуғат хеҙмәте
ӨФӨ, 2018 йыл, 12 февраль. /«Башинформ» мәғлүмәт агентлығы/. Кисә Ырымбур өлкәһе губернаторы Юрий Берг менән телефон аша һөйләшкәндә Башҡортостан Башлығы Рөстәм Хәмитов «Домодедово – Орск» рейсын башҡарған Ан-148 самолеты авиафажиғәһендә һәләк булғандарҙың туғандарына һәм яҡындарына ҡайғы уртаҡлашыуын белдерҙе. Был турала республика етәксеһенең матбуғат хеҙмәте хәбәр итә.
Башҡортостан Хөкүмәте сиктәш төбәккә кәрәкле ярҙам күрһәтергә әҙер, тип айырып әйтте Рөстәм Хәмитов.
Хәтерегеҙгә төшөрәбеҙ, кисә «Һарытау авиалиниялары»ның Ан-148 самолеты Домодедово аэропортынан күтәрелгәс, бер нисә минуттан Мәскәү өлкәһенең Раменское районында ҡолай. Лайнер Мәскәүҙән Орскиға осҡан булған. Самолетта булғандарҙың береһе лә иҫән ҡалмаған. Тәғәйенләнеш пункты Башҡортостан менән йәнәш булғанға күрә бортта республика кешеләренең барлығы асыҡлана.
http://www.bashinform.ru/news/1115480-rustem-khamitov-vyrazil-soboleznovaniya-gubernatoru-orenburgskoy-oblasti-v-svyazi-s-aviakatastrofoy-/
Автор:«Башинформ» мәғлүмәт агентлығы
Читайте нас в