92.13
-0.37
Башҡортостан һәм Өфө яңылыҡтары
98.71
-0.2
89.38
+0.27
17+ °C
Болотло
Бөтә яңылыҡтар
Йәмғиәт
8 Февраль 2018, 07:40
«Өфө» халыҡ-ара аэропорты өсөнсө тапҡыр илдә иң яҡшыһы булды
«Өфө» халыҡ-ара аэропортының матбуғат хеҙмәте
ӨФӨ, 2018 йыл, 8 февраль. /«Башинформ» мәғлүмәт агентлығы, Дарья Петрова/. «Өфө» халыҡ-ара аэропорты өсөнсө йыл рәттән Рәсәйҙең иң яҡшы аэропорты булды. Был турала Өфө авиаүҙәгенең матбуғат хеҙмәтенән хәбәр иттеләр. Халыҡ-ара аэропорты «Рәсәйҙең һауа ҡапҡалары» милли премияһының «Иң яҡшы аэропорт – 2018» номинацияһында («Йылына 4 миллионға тиклем пассажир хеҙмәтләндергән халыҡ-ара аэропорты» категорияһы) Ҡазан һәм Владивосток аэропорттарын уҙып китеп, еңеүсе булды. Бынан тыш, Өфө аэропорты пассажирҙарҙың тауыш биреү йомғаҡтары буйынса йәнә иң яҡшыһы тип танылды.
Бүләкләү тантанаһы 7 февралдә Мәскәүҙә NAIS-2018 Граждандар авиацияһы инфраструктураларының милли күргәҙмәһенең эшлекле программаһы сиктәрендә үтте. «Өфө» халыҡ-ара аэропорты генераль директорына награданы Рәсәйҙең транспорт министры урынбаҫары Александр Юрчик тапшырҙы.
«Бөтә Башҡортостан халҡы, аэропорт хеҙмәткәрҙәре исеменән бик шәп инициатива – граждандар авиацияһы инфраструктураларының күргәҙмәһе өсөн рәхмәт әйтәһе килә», — тип Халыҡ-ара аэропорттың матбуғат хеҙмәте Александр Андреевтың телмәренән өҙөмтә килтерә. — «Рәсәйҙең һауа ҡапҡалары» премияһы тармаҡта мөһим ваҡиғаға әйләнде. Беҙҙең өсөн тауыш биргәндәрҙең бөтәһенә лә ысын күңелдән рәхмәтлемен. Премия бурыстарҙы үтәп, пассажирҙарҙы ҡәнәғәтләндереп, формала булыу, көн һайын үҫешер өсөн стимул булып тора. Пассажирҙарҙың таныуы – аэропорт ҡәҙерләгән һәм уның менән ғорурланған тағы ла бер ҡиммәтле награда».
Белешмә
«Рәсәйҙең һауа ҡапҡалары» милли премияһы йыл һайын тапшырылып килә. Эксперттар советы ҡарары, шулай уҡ пассажирҙарҙың онлайн тауыш биреүе нигеҙендә һөҙөмтә төҙөлә. Аэропорт терминалдарының һәм хеҙмәттәрҙең эшен сағылдырған пассажирҙарҙы һәм авиакомпанияларҙы хеҙмәтләндереү сифаты, операция күрһәткестәре, транспорт (авиация) хәүефһеҙлеге, аэропорттарҙың авиациянан тыш табыштары, экологик һәм социаль яуаплылыҡ кеүек критерийҙар буйынса авиаүҙәктәргә баһа бирелә.
http://www.bashinform.ru/news/1113995-mezhdunarodnyy-aeroport-ufa-v-tretiy-raz-podryad-stal-luchshim-v-strane/
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».