Шаран районында — яңы прокурор

ӨФӨ, 2018 йыл, 2 февраль. /«Башинформ» мәғлүмәт агентлығы, Ксения Калинина/. Башҡортостандың Шаран районында яңы прокурор тәғәйенләнде. Рәсәйҙең Генераль прокуроры приказы менән хәҙер был вазифала юстиция кесе советнигы Артур Йосопов эшләй. Ошо хаҡта «Башинформ» агентлығына республика прокуратураһының матбуғат хеҙмәтенән хәбәр иттеләр.

Артур Йосопов Төмән өлкәһенең Нижневартовск ҡалаһында тыуған. 2005 йылда Башҡорт дәүләт университетын «юриспруденция» һөнәре буйынса тамамлаған. 2007-2008 йылдарҙа — Дәүләкән районы прокуроры ярҙамсыһы. 2008-2011 йылдарҙа Башҡортостан Республикаһы прокуратураһының енәйәт язаһын үтәүҙең законлылығын күҙәтеү бүлеге прокуроры. 2011-2016 йылдарҙа Өфөнөң Совет районы прокуроры урынбаҫары булып эшләй. 2016 йылдың июленән 2018 йылдың ғинуарына тиклем — Башҡортостан Республикаһы прокуратураһының енәйәт-процессуаль һәм оператив-эҙләү эшмәкәрлеген күҙәтеү идаралығының Рәсәйҙең Тәфтиш комитеты органдарында процессуаль эшмәкәрлекте күҙәтеү бүлеге прокуроры.

http://www.bashinform.ru/news/1111876-v-sharanskom-rayone-bashkirii-naznachen-novyy-prokuror/