Башҡортостан суд приставтары Рәсәйҙән 655 сит ил гражданын ҡыуып сығарған

ӨФӨ, 2018 йыл, 1 февраль. /«Башинформ» мәғлүмәт агентлығы, Ксения Калинина/. 2017 йылда Рәсәй Суд приставтары федераль хеҙмәтенең Башҡортостан буйынса идаралығының Махсус оператив дежурлыҡ бүлеге хеҙмәткәрҙәре илдән 655 сит ил гражданын ҡыуып сығарған. Ведомствоның матбуғат хеҙмәтендә аңлатыуҙарынса, мигранттарҙың илебеҙ биләмәһендә булыу шарттарына әһәмиәт бирмәү уларҙы тыуған яҡтарына көсләп ебәреүгә сәбәпсе булып торған.

«Йышыраҡ Рәсәйҙә булыу ҡағиҙәләрен Үзбәкстан, Тажикстан, Азербайжан граждандары боҙған. Ҡыуылғандар араһында Ҡырғыҙстан, Төркмәнстан, Төркиә, Вьетнам, Нигерия һәм башҡа ил граждандары ла булған», — тип хәбәр иттеләр идаралыҡта.

Ағымдағы йылдың ғинуар айында 18 Үзбәкстан һәм Тажикстан гражданы ҡыуылған.

http://www.bashinform.ru/news/1110849-iz-rossii-sudebnye-pristavy-bashkirii-vydvorili-655-inostrantsev/