Ғинуарҙың һуңғы аҙнаһында төбәктә 19 меңдән ашыу кеше киҫкен респиратор вирус инфекцияһы менән сирләгән

ӨФӨ, 2018 йыл, 31 ғинуар. /«Башинформ» мәғлүмәт агентлығы, Эльмира Сабирова/. Ғинуарҙың һуңғы аҙнаһында (22 ғинуарҙан 28-нә тиклем) Башҡортостанда киҫкен респиратор вирус инфекцияһы билдәләре менән 19 меңдән ашыу кеше ярҙам һорап табиптарға мөрәжәғәт иткән. Улар араһында — 13 мең бала, тип хәбәр иттеләр Роспотребнадзорҙың төбәк идаралығынан. Хәүефләнергә урын юҡ. Эпидемик сик артмаған. Ауырыу кимәле эпидемик сиктән 12,4% түбән.

Лаборатория мониторингы һөҙөмтәләре буйынса, әлеге ваҡытта халыҡ араһында киҙеүгә ҡарамаған вирустар йөрөй. Шулай итеп, грипп вирустары асыҡланмаған.

http://www.bashinform.ru/news/1110516-za-poslednyuyu-yanvarskuyu-nedelyu-2018-goda-bolee-19-tysyach-zhiteley-bashkirii-zaboleli-orvi/