Башҡортостан һәм Өфө яңылыҡтары
90.99
+0.06
98.78
-0.12
83.96
+0.69
11+ °C
Болотло
Бөтә яңылыҡтар
Йәмғиәт
30 Ғинуар 2018, 14:35

Үзбәкстандан Өфөгә күберәк поездар йөрөй башлай

«Башинформ» мәғлүмәт агентлығы
«Башинформ» мәғлүмәт агентлығы
ӨФӨ, 2018 йыл, 30 ғинуар. /«Башинформ» мәғлүмәт агентлығы, Наталья Овчарук/. Үзбәкстан хөкүмәте хеҙмәт миграцияһы проблемаһын таныны һәм Рәсәй тимер юлдары менән ошо мәсьәләне тикшергәндән һуң илебеҙ менән тимер юл транспортын арттырырға хәл итте. Атап әйткәндә, Бойондороҡһоҙ Дәүләттәр Берләшмәһе иле вәкилдәре Мәскәүгә, Өфөгә һәм Волгоградҡа составтар һанын күбәйтеүҙе һораны, тип хәбәр итә РИА «Новости».
Бындай ҡарар Ҡаҙағстанда Үзбәкстан мигранттары менән булған фажиғәнән һуң ҡабул ителде. Ул саҡта Аҡтүбәнән алыҫ түгел ерҙә 52 кеше автобуста янып үлде.
«Ошо ваҡиға беҙҙең халыҡ алдындағы бурысыбыҙҙың күп булыуы хаҡында һөйләй. Үҙебеҙҙә шарттар булмау арҡаһында кешеләр башҡа илдәрҙә эш эҙләргә мәжбүр. Улар сит илдәрҙә интегәләр, тип юҡҡа әйтмәйҙәр», — тип таныны Үзбәкстан президенты Шәфҡәт Мирзиёев.
Әле Рәсәй менән Үзбәкстан араһында туғыҙ: Үзбәкстандан ете һәм Рәсәйҙән ике тимер юл транспорты йөрөй. Ләкин мигранттар араһында Силәбе һәм Ырымбур популяр түгел.
http://www.bashinform.ru/news/1110094-iz-uzbekistana-v-ufu-zapustyat-bolshe-poezdov-/
Читайте нас: