Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Йәмғиәт
26 Ғинуар 2018, 15:24

Төбәктә шәхси һаҡ предприятиелары хеҙмәт кодексын боҙоу буйынса тәүге урында килә

spb.kp.ru
spb.kp.ru
ӨФӨ, 2018 йыл, 26 ғинуар. /«Башинформ» мәғлүмәт агентлығы, Ольга Мортазина/. Башҡортостанда шәхси һаҡ предприятиелары хеҙмәт ҡануниәтен боҙоуҙар һаны буйынса тәүге урынды биләй. 2016 йылда Дәүләт хеҙмәт инспекцияһына — 240, былтыр иһә 300 мөрәжәғәт килгән. Хеҙмәткәрҙәр хеҙмәт мөнәсәбәттәрен рәсмиләштермәүгә, хеҙмәт килешеүҙәрен алмаштырыусы гражданлыҡ-хоҡуҡи формалағы килешеүҙәр төҙөүгә, эш хаҡын түләмәүгә зарланған.
Тикшереүҙәр барышында инспекторҙар республикала билдәләнгән минималь эш хаҡы күләменән (ул саҡта 8,9 мең һум) кәмерәк хеҙмәт хаҡы түләү кеүек хоҡуҡ боҙоуҙы ла асыҡлаған. Мәҫәлән, «Реасон-Форс», «Барс», «Медведь» ойошмаларында Дәүләт хеҙмәт инспекцияһы тикшергәнгә тиклем эш хаҡы 7,5 мең һум тәшкил иткән. «Барс» шәхси һаҡ предприятиеһында хеҙмәт хаҡы түләгәндә район коэффициенты иҫәпкә алынмаған.
«Объединение общественной безопасности», «Сила», «Сафэти-ТЭК», «Регион-безопасность» ойошмалары хеҙмәткәрҙәрҙән килгән мөрәжәғәттәр һәм инспекторҙар асыҡлаған хоҡуҡ боҙоуҙар һаны буйынса беренсе урында килә.
Бер йыл эсендә Дәүләт хеҙмәт инспекцияһы хеҙмәткәрҙәре шәхси һаҡ предприятиелары етәкселегенә 1 миллион һум штраф һалған.
http://www.bashinform.ru/news/1108434-v-bashkirii-chopy-lidiruyut-po-narusheniyam-trudovogo-kodeksa/
Читайте нас: