Башҡортостанда 41 гүзәт зат «Әсәлек даны» миҙалына лайыҡ булды

Башҡортостан Республикаһы Хөкүмәте сайты

ӨФӨ, 2018 йыл, 26 ғинуар. /«Башинформ» мәғлүмәт агентлығы, Ғәлиә Нәбиева/. Башҡортостанда 41 күп балалы ҡатын-ҡыҙ «Әсәлек даны» миҙалына лайыҡ булды. Быйылғы йылда тәүге бүләкләү тантанаһы Хөкүмәт йортонда уҙҙы. Миҙалдарҙы Башҡортостан Хөкүмәте премьер-министры урынбаҫары Салауат Сәғитов тапшырҙы.

Был награда менән биш һәм унан күберәк бала тәрбиәләгән әсәләр бүләкләнә. 1998 йылдан башлап республикала бөтәһе 7594 гүзәл зат «Әсәлек даны» миҙалына лайыҡ булған, тип хәбәр иттеләр Башҡортостан Хөкүмәтенең матбуғат хеҙмәтенән.

Вице-премьер, Башҡортостан Башлығы Рөстәм Хәмитов исеменән йыйылыусыларға рәхмәт әйтеп, «Әсәлек даны» ҡатын-ҡыҙҙарға тапшырылған ҡәҙерле наградаларҙың береһе булыуын билдәләне.

«Белеүегеҙсә, социаль ярҙам саралары артты. Республика Хөкүмәте артабан да күп балалы әсәләргә булышлыҡ итеү өсөн бөтә көсөн һалырға әҙер, тип ышандыра алам», — тине премьер-министр урынбаҫары.

Ил президенты иғлан иткән «Балалыҡ ун йыллығы» сиктәрендә быйыл төбәктә балалар һаулыҡ һаҡлау учреждениеларына ҙур иғтибар бүлеү ҡаралған, тип хәбәр итте Салауат Сәғитов. Ошо йәһәттән Республика клиник дауаханаһын һәм Өфөләге 17-се балалар клиник дауаханаһын заманса ҡорамалдар менән йыһазландырыу күҙ уңында тотола.

«2016 йыл менән сағыштырғанда, былтыр республикала үлем күрһәткесе 2,5 меңгә кәмегән. Был - һуңғы 20-25 йылда иң яҡшы күрһәткес, тип әйтә алабыҙ. Әлеге көндәге медицинаны үҫтереү программаһы тәү сиратта тораҡ пункттарҙа фельдшер-акушерлыҡ пункттарын тергеҙеүгә йүнәлтелгән», — тип йомғаҡ яһаны вице-премьер.

http://www.bashinform.ru/news/1108837-v-bashkirii-41-predstavitelnitsa-prekrasnogo-pola-udostoena-medali-materinskaya-slava-/

Теги:бүләкләү әсәлек даны

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».