Башҡортостанда «Урал батыр байрамы» ойошторола

ӨФӨ, 2018 йыл, 25 ғинуар. /«Башинформ» мәғлүмәт агентлығы, Ләйлә Аралбаева/. 26-27 ғинуарҙа Башҡортостанда «Урал батыр байрамы» ойошторола. Был хаҡта Башҡорт ҡатын-ҡыҙҙары йәмғиәте рәйесе Гөлнур Ҡолһарина хәбәр итте.

Байрам «Урал батыр» эпосын популярлаштырыу, халҡыбыҙҙың боронғо уйындарын һәм ярыштарын тергеҙеү, ауыҙ-тел ижадын, этноспорт төрҙәрен пропагандалау маҡсатында уҙғарыла.

Программала — ат сабышы, милли көрәш, уҡтан атыу, «Ылаҡ» командаһының күрһәтмә сығыштары, «Таяҡ тартыш», «Арҡан тартыш», «Килен-ҡәйнә арҡан тартышы», «Суҡмар ырғытыу», «Таш ярыу» уйындары. Еңеүселәрҙе иҫтәлекле бүләктәр көтә.

Байрам барышында сәхнәлә «Урал батыр» эпосынан өҙөктәр уҡыу, сувенирҙар һәм милли ризыҡтар һатыуҙы ойоштороу ҡаралған. Билдәле сәсәниә Розалиә Солтангәрәеванан йолалар буйынса оҫталыҡ дәресе алырға, ҡумыҙҙа уйнарға өйрәнергә мөмкин.

Сара Башҡортостан дәүләт ҡурсаулығы башланғысы буйынса Бөрйән районы хакимиәте, Иҫке Собханғол ауылындағы Урал аръяғы агросәнәғәт колледжы, «Мәргән уҡсы» автономлы коммерцияға ҡарамаған ойошмаһы менән берлектә ойошторола.

Байрамды уҙғарыу урыны: Бөрйән районы, Һарғая ауылы, Урман урамы, 4, Экоприют.

http://www.bashinform.ru/news/1107892-v-bashkortostane-sostoitsya-prazdnik-ural-batyr-bayramy-zimnie-igry-ural-batyra/

Теги:халыҡ байрамдары

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».