Башҡортостанда сатлама һыуыҡтарҙан һуң йылға-күлдәрҙә боҙ нығынды

ӨФӨ, 2018 йыл, 15 ғинуар. /«Башинформ» мәғлүмәт агентлығы, Ольга Мортазина/. 30 градус сатлама һыуыҡтарҙан һуң һыу ятҡылыҡтарында боҙ нығынды. Йылға аша йәйәү сығыу өсөн боҙ 7 сантиметр ҡалынлыҡта булырға тейеш, балыҡ тотоу өсөн – 10 сантимер, ҡаргиҙәрҙә йөрөү өсөн – 12 сантиметр, еңел автомобилдә – 20-30 сантиметр, бөтә ерҙән үтә алған машина өсөн – 30-38 сантиметр.

Ғәҙәттән тыш хәлдәр министрлығының Башҡортостан Республикаһы буйынса Баш идаралығы мәғлүмәттәренә ярашлы, баш ҡалала Дуҫлыҡ монументы тирәһендә Ағиҙелдә боҙ 22 сантиметрға еткән, Сипайлово янында Ҡариҙелдә – 12 сантиметр. Иң ҡалын боҙ Николо-Березёвка эргәһендә Кама йылғаһында – 40 сантиметр, Шәмсетдин күлендә һәм Ҡандракүлдә – 35 һәм 34 сантиметр. Павловка һәм Нөгөш һыуһаҡлағыстарында – 25 сантиметр. Бер ай элек боҙ ҡалынлығы уртаса 5-10 сантиметр тәшкил итә ине.

http://www.bashinform.ru/news/1103684-v-bashkirii-posle-morozov-ukrepilsya-led-na-rekakh-i-ozerakh/