2018 йылда Башҡортостанда ниндәй юбилей даталары билдәләнә

Башҡортостандың Милли архивы

IMPORT Сервисный

ӨФӨ, 2017 йыл, 28 декабрь. /«Башинформ» мәғлүмәт агентлығы, Әлим Фәйезов/. Башҡортостандың Милли архивы Мөһим тарихи һәм юбилей даталары календарынының сираттағы сығарылышын әҙерләне.

«Башҡортостан Республикаһының 2018 йылға мөһим һәм иҫтәлекле даталар календары» дәүләт, бөтә донъя һәм халыҡ-ара байрамдар, Рәсәйҙең һәм Башҡортостандың сәйәси, хәрби, мәҙәни тормошондағы әһәмиәтле даталар менән таныштыра. Баҫмаға республикалағы тораҡ пункттарҙың, ҙур предприятие һәм ойошмаларҙың юбилей даталары, күренекле эшмәкәрҙәр хаҡында мәғлүмәттәр тупланған.

Календарь Башҡортостандың архив учреждениелары материалдары һәм республиканың башҡарма власть һәм урындағы үҙидара органдарынан алынған мәғлүмәттәр нигеҙендә төҙөлгән, энциклопедия, белешмә һәм ваҡытлы баҫмаларҙан мәғлүмәт менән тулыландырылған.

Киләһе йылдың 10 апрелендә — Архангел районында тыуып үҫкән авиация маршалы, Советтар Союзы Геройы Иван Пстыгоның 100 йыллыҡ юбилейы, 17 мартта — күренекле балет артисы Рудольф Нуриевтың 80 йыллығы, 5 октябрҙә Бәләбәй ҡалаһынан СССР-ҙың халыҡ артисы Инна Чурикованың 75 йәше билдәләнә. Шулай уҡ башҡорт милли хәрәкәте вәкиле Әмир Ҡарамышевтың, билдәле революция хәрәкәте эшмәкәре Баһауетдин Нуримановтың, яҙыусы һәм йәмәғәт эшмәкәре Дауыт Юлтыйҙың тыуыуына 125 йыл тула. 2018 йылда Башҡортостандың халыҡ шағиры Назар Нәжмиҙең һәм йырсы шағир Яҡуп Ҡолмойҙоң 100 йыллыҡ юбилейҙарын билдәләү ҡаралған.

Календарь тәү сиратта республиканың дәүләт власы органдарына, киң мәғлүмәт сараларына, уҡытыусыларға, тыуған яҡты өйрәнеүселәргә, шулай уҡ Рәсәйҙең һәм Башҡортостандың тарихы менән ҡыҙыҡһыныусыларға тәғәйенләнгән.

«Башҡортостан Республикаһының 2018 йылға мөһим һәм иҫтәлекле даталар календары» брошюраһы республиканың башҡарма власть һәм урындағы үҙидара органдарына тапшырыла. Календарҙың электрон версияһы менән Башҡортостан Республикаһының Архив эштәре буйынса идаралығы сайтында танышырға мөмкин, тип хәбәр итте Башҡортостандың Милли архивы директоры урынбаҫары Нияз Сәлимов.

http://www.bashinform.ru/news/1099173-stalo-izvestno-kakie-yubileynye-daty-otmetyat-v-bashkirii-v-2018-godu/

1 из 1

#иҫтәлекле даталар #календарь #милли архив

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.