Республика буйынса Ғәҙәттән тыш хәлдәр министрлығы ҡышҡы балыҡ тотоу урындарын контролгә алды

ӨФӨ, 2017 йыл, 26 декабрь. /«Башинформ» мәғлүмәт агентлығы, Ксения Калинина/. Рәсәй Ғәҙәттән тыш хәлдәр министрлығының Башҡортостан буйынса баш идаралығы 12 ҡышҡы балыҡ тотоу урынын контролгә алды. 25 декабрҙә журналистар менән осрашыуҙа төбәк Ғәҙәттән тыш хәлдәр министрлығы начальнигы урынбаҫары, күҙәтеү эшмәкәрлеге һәм иҫкәртеү эше идаралығы етәксеһе Эдуард Иҙрисов ошо хаҡта хәбәр итте.

Өфөлә Ағиҙел йылғаһы (Дуҫлыҡ монументы янында), Ҡариҙел йылғаһы (Сипайлово биҫтәһе), Бөрөлә Шәмсетдин күле, Күсем руднигы ауылында Яҡтыкүл (Әбйәлил районы), Аҡкүл (Ғафури районы), Ҡандракүл (Туймазы районы), Алға ауылында Асылыкүл (Дәүләкән районы), Туймазы һыу һаҡлағысы (Туймазы районы), Павловка һыу һаҡлағысы (Нуриман районы), Нөгөш һыу һаҡлағысы (Мәләүез районы) һәм Николо-Берёзовка ауылында Кама йылғаһы (Краснокама районы) – ҡотҡарыусыларҙың иғтибар үҙәгендә.

http://www.bashinform.ru/news/1097863-mchs-po-bashkirii-derzhit-na-kontrole-traditsionnye-mesta-vykhoda-rybakov-na-led/