Өфөнән йөҙҙән ашыу уҡыусы Кремль шыршыһына юлланды

ӨФӨ, 2017 йыл, 25 декабрь. /«Башинформ» мәғлүмәт агентлығы, Розалиә Вәлиева/. Башҡортостандың һәләтле балалары «Өфө» аэропортынан Кремль шыршыһына юлланды. Ғәҙәттәгесә, балалар өсөн өҫтөнлөклө хеҙмәтләндереү ойошторолдо, тип хәбәр иттеләр Өфө авиаүҙәгенең матбуғат хеҙмәтенән.

25 декабрҙә иртән республиканың ҡала-райондарынан йөҙҙән ашыу һәләтле бала илдең төп шыршыһына юлланды. Төркөм һәм оҙатыусылар «Урал һауа юлдары» авиакомпанияһының махсус рейсы менән осто.

Һауа карабы хеҙмәткәрҙәре талантлы балаларҙы оҙатыуға ҙур иғтибар менән ҡарай: улар өсөн өҫтөнлөклө хеҙмәтләндереү, медицина персоналының дежурлығы ойошторола, самолетта биреләсәк ризыҡтар ҡабаттан тикшерелә. Бынан тыш, көтөү залында уларға байрамса шарттар булдырыла. Бөгөн йәш пассажирҙарҙың уңайлығы өсөн «Өфө» аэропортында 2-се терминалда махсус теркәү пункттары бүленде.

Башҡортостан делегацияһы составында быйыл Кремль шыршыһына сәфәр менән бүләкләнгән «Голос. Дети» шоуы финалсыһы Марсель Сабиров та бар. «Быйыл минең тауышым үҙгәрә, шуға күрә мин бер ҡайҙа ла сығыш яһамайым, — тип һөйләне Марсель. — Был сәфәрҙе түҙемһеҙлек менән көттөм. Беҙ Мәскәүгә барып етмәгәнбеҙ әле, шулай ҙа кәйеф шәп».

Делегацияны Башҡортостан Республикаһының мәғариф министры урынбаҫары Гүзәл Шаһиева оҙатты. Улл йәш таланттарға уҡыуҙа, спортта һәм ижадта уңыштар теләне. «Һеҙҙең һәр уңышығыҙ — беҙҙең өсөн ғорурлыҡ. Артабан да яңы үрҙәр яуларһығыҙ һәм республикабыҙҙы данларһығыҙ тип ышанам», — тине Гүзәл Шаһиева, балаларға мөрәжәғәт итеп.

Кремль шыршыһына конкурстарҙа һәм олимпиадаларҙа, спорт ярыштарында еңеүселәр, уҡыу алдынғылары, балалар йорттарында, мәктәп-интернаттарҙа тәрбиәләнеүселәр саҡырыла. Мәскәүҙә улар өсөн күңел асыу саралары — экскурсия, яңы йыл тамашалары ҡаралған. 26 декабрҙә Башҡортостандың йәш һәләттәре Кремль шыршыһына бара, 27-һендә Өфөгә әйләнеп ҡайта.

http://www.bashinform.ru/news/1097382-iz-ufy-na-kremlevskuyu-elku-otpravilis-bolee-sta-shkolnikov/

Теги:кремль шыршыһы

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».