Башҡортостандың Һаулыҡ һаҡлау министрлығы яңы йыл алдынан һәм байрам көндәрендә поликлиникаларҙың эш графигы хаҡында хәбәр итте

ӨФӨ, 2017 йыл, 22 декабрь. /«Башинформ» мәғлүмәт агентлығы, Ксения Калинина/. Башҡортостандың Һаулыҡ һаҡлау министрлығы яңы йыл алдынан һәм байрам көндәрендә поликлиникаларҙың нисек эшләүе тураһында хәбәр итте. Ведомствоның матбуғат хеҙмәте мәғлүмәте буйынса, республика халҡына медицина ярҙамын ваҡытында күрһәтеү өсөн амбулатор-поликлиника бүлексәләре 2017 йылдың 30-31 декабрендә һәм 2018 йылдың 1-8 ғинуарында иртәнге сәғәт 8-ҙән көндөҙгө 4-кә тиклем эшләй. Саҡырыуҙар көндөҙгө 3-кә тиклем ҡабул ителә.

Граждандарҙы стационар дауалау, медицина ярҙамын ваҡытында күрһәтеү маҡсатында стационар бүлексәләрҙә койкалар резервы ҡаралған. Билдәләнгән көндәрҙә ашығыс стоматологик ярҙам алырға мөмкин.

2017 йылдың 16 декабренән 2018 йылдың 9 ғинуарына тиклем ойошторолған балалар төркөмө байрам сараларында ҡатнашҡан саҡта медицина тәьминәте һәм барлыҡ тейешле гигиена, санитар-эпидемиология саралары ойошторолған. Бәлиғ булмағандарҙы йөрөтөүҙе ойошторған саҡта оҙатыу, килеп төшөү урындарында һәм юлда саҡта йәрәхәтләнеүҙәргә юл ҡуймау буйынса саралар ҡабул ителгән.

http://www.bashinform.ru/news/1096478-v-minzdrave-bashkirii-soobshchili-o-grafike-raboty-poliklinik-v-prednovogodnie-i-prazdnichnye-dni-/