«Мисс Офис — 2017»: Башҡортостан һылыуы икенсе вице-мисс тажын яуланы

passion.ru

ӨФӨ, 2017 йыл, 4 декабрь. /«Башинформ» мәғлүмәт агентлығы, Эльмира Сабирова/. Башҡортостан вәкиле Анастасия Яковлева «Мисс Офис – 2017» халыҡ-ара конкурсында икенсе вице-мисс булды. Конкурстың финалы 1 декабрҙә Мәскәүҙә үтте. Бәйге өс этаптан торҙо: һайлап алыу, интернет-тауыш биреү һәм финал. Һайлап алыу этаптарын уңышлы үтеп, Анастасия Яковлева финалға сыҡты.

Мәскәү йәштәр һарайы сәхнәһендә үткән йомғаҡлау сараһында ҡыҙҙарға бер нисә конкурс һынауын үтергә тура килде: сәләмләү, дизайнер күлдәктәрендә һәм купальниктарҙа дефиле, ижади номер, шулай уҡ эшлекле конкурс. Бәйгеселәрҙең тышҡы сифаттарынан тыш, жюри ҡыҙҙарҙың киң белемлелеген, фекерҙәрен дәлилләп аңлата белеүҙе, этикет белемдәрен, шулай уҡ эш сифаттарын баһаланы.

Һөҙөмтәлә «Мисс Офис – 2017» титулына, төп тажға һәм бер миллион һумлыҡ бүләккә Керчь ҡалаһынан Анастасия Божкова лайыҡ булды.

Республиканан ҡатнашҡан бәйгесегә килгәндә, Анастасияның был уңышы тәүгеләрҙән түгел. «Мисс Башкортостан» модель агентлығының арт-директоры, «Донъя университеты мисы», «Эко Ғәләм мисы», «Башҡортостан студенттары мисы», «Виртуаль Рәсәй мисы» кеүек бәйгеләрҙә иң яҡшыһы булды.

Анастасия Яковлева Заһир Исмәғилев исемендәге Өфө сәнғәт институтын тамамлаған, художество гимнастикаһы буйынса спорт мастеры.

Автор:Эльмира Сабирова

Теги:матурлыҡ конкурстары «мисс офис – 2017»

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».