Күп функциялы үҙәк офистарында ГТО хаҡында тулы мәғлүмәт алырға мөмкин

ӨФӨ, 2017 йыл, 1 декабрь. /«Башинформ» мәғлүмәт агентлығы, Әлим Фәйезов/. Башҡортостандың Хәрби-спорт фонды ГТО комплексы хеҙмәттәре менән таныштырыу уҙғара. Ул 1 декабрҙә «Күп функциялы дәүләт һәм муниципаль хеҙмәттәр күрһәтеү үҙәге» республика дәүләт автономиялы учреждениеһында үтә. Хәҙер республика халҡының теләһе ҡайһы Күп функциялы үҙәктә ГТО сайтында нисек теркәлеү, был комплекстың нормативтарын үтәү өсөн ниндәй документтар кәрәклеге хаҡында тулы мәғлүмәт алыу мөмкинлеге бар.

Таныштырыу сараһы киләһе адрес буйынса үтә: «Башҡортостан» сауҙа үҙәге, Менделеев урамы, 205а, Күп функциялы дәүләт һәм муниципаль хеҙмәттәр күрһәтеү үҙәге» республика дәүләт автономиялы учреждениеһы (1-се ҡат). Сара иртәнге сәғәт 11-ҙә башлана.

Тулыраҡ мәғлүмәт 8-962-537-17-11 телефоны буйынса.

Республиканың ГТО штабында хәбәр итеүҙәренсә, республика биләмәһендә 30-лаған Күп функциялы үҙәк нөктәһе эшләй, 10-һы Өфөлә урынлашҡан. Уларҙың һәр ҡайһыһында теләгән бер кешегә ГТО нормативтарын үтәү һорауҙары буйынса консультация бирелә.