Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Йәмғиәт
28 Ноябрь 2017, 17:32
Республикала «Шыршы-2017» операцияһы башланды
Башҡортостан Урман хужалығы министрлығының матбуғат хеҙмәте
ӨФӨ, 2017 йыл, 28 ноябрь. /«Башинформ» мәғлүмәт агентлығы, Әлим Фәйезов/. Башҡортостанда Урман хужалығы министрлығы 27 ноябрҙән 31 декабргә тиклем «Шыршы-2017» ведомство-ара оператив-иҫкәртеү операцияһын ойошторҙо.
Ул ылыҫлы йәш ағастарҙы законһыҙ ҡырҡыуҙан һаҡлау, Яңы йыл шыршыларын әҙерләү, ташыу һәм һатыуҙы оператив контролдә тотоу өсөн уҙғарыла.
Операция барышында урман инспекторҙары эске эштәр органдары хеҙмәткәрҙәре менән бергә ылыҫлы ағастарҙы законһыҙ киҫеүгә юл ҡуймау маҡсатында урмандарҙы, шыршы ташыған транспорт сараларын тикшерә. Рөхсәтһеҙ ҡырҡылған шыршыларҙы һатыуға юл ҡуймау өсөн һалым хеҙмәте хеҙмәткәрҙәре менән берлектә сауҙа урындары буйлап рейдтар үткәреү күҙаллана, тип хәбәр иттеләр Башҡортостан Урман хужалығы министрлығының матбуғат хеҙмәтенән.
Ылыҫлы ағастарҙы законһыҙ ҡырҡҡан өсөн административ яуаплылыҡ, биш мең һумдан ашыу зыян килтерелгән осраҡта енәйәти яуаплылыҡ ҡаралған.
Административ яуаплылыҡҡа тарттырылған граждандарға – 5 мең, вазифалы кешеләргә — 50 мең, юридик берәмектәргә 400-700 мең һум штраф һалына. Енәйәти яуаплылыҡ ун йылға тиклем иректән мәхрүм итеүҙе күҙ уңында тота.
Бынан тыш, ғәйеплеләрҙе яуаплылыҡҡа тарттырыу килтерелгән зыянды ҡаплауҙан азат итмәй, тип билдәләнеләр министрлыҡта.
Теги:
урман хужалығы
яңы йыл
законһыҙ ағас ҡырҡыу
Читайте нас: