Стәрлетамаҡ бухгалтерҙары – Рәсәй Ауыл хужалығы министрлығы конкурсы еңеүселәре

ӨФӨ, 2017 йыл, 27 ноябрь. /«Башинформ» мәғлүмәт агентлығы, Ольга Мортазина/. Стәрлетамаҡ ҡалаһынан һәм районынан дүрт бухгалтер Рәсәй Федерацияһы Ауыл хужалығы министрлығының һөнәри конкурсында еңеүсе булды. 529 ҡатнашыусы иҫәбендә 15 Башҡортостан агросәнәғәт комплексы хеҙмәткәре. Уларҙың өсәүһе – Калинин исемендәге агросәнәғәт предприятиеһы бухгалтеры Калинина Рәзиҙә Аҙнағолова, «Максимовка» ауыл хужалығы предприятиеһының баш бухгалтеры Лидиә Мокова, «Авангард» яуаплылығы сикләнгән йәмғиәтенең баш бухгалтеры Татьяна Андреева – лауреат булды.

Стәрлетамаҡ мәғлүмәт-аналитика үҙәге етәксеһе Рәбиғә Ғәзизова «Иң яҡшы бухгалтер» номинацияһында беренсе урын яуланы. Ул йыл һайын уҙғарылған конкурстың өс туры йомғаҡтары буйынса иң күп балл йыйҙы.