Башҡортостан һәм Өфө яңылыҡтары
70.52
+0.92
76.3
+0.52
85.11
-0.35
-18 °C
Болотло
Бөтә яңылыҡтар
Йәмғиәт
15 Ноябрь 2017, 07:00

Башҡортостанда ярлыҡау тураһында алты үтенесте кире ҡаҡтылар

Олег Яровиков
Олег Яровиков
ӨФӨ, 2017 йыл, 15 ноябрь. /«Башинформ» мәғлүмәт агентлығы, Гөлфиә Акулова/. Башҡортостан Дәүләт Йыйылышында республика Башлығы ҡармағындағы Ярлыҡау мәсьәләләре буйынса комиссияның ултырышы үтте. Ошо хаҡта төбәк парламентының матбуғат хеҙмәте хәбәр итә.
Ярлыҡау тураһында алты үтенес хаты ҡаралды, уларҙың бөтәһе лә кире ҡағылды. Мөрәжәғәт итеүселәрҙең бишәүһе һаулыҡҡа ауыр зыян килтереү (һаҡһыҙлыҡ буйынса үлтереү) өсөн хөкөм ителгән. Статья 15 йылға тиклем иректән мәхрүм итеүҙе күҙ уңында тота. Бер үтенес хаты полицияның участка вәкиленә ҡарата көс ҡулланыу менән бәйле.
«Һәр эште комиссия ағзалары ентекләп тикшерҙе. Зыян күреүсе яҡтарҙың фекерҙәре тыңланды, йәшәү, ултырыу урыны буйынса характеристикалары ҡаралды, — тип аңлатма бирҙе Башҡортостан Дәүләт Йыйылышы Рәйесе Константин Толкачев. — Ҡылған енәйәттәрҙең ҡатылығы, күп тапҡыр хөкөм ителгәнлек һәм башҡа факторҙар комиссияны бер ниндәй үтенесте лә хупламау ҡарарына килтерҙе».
Комиссияға яңы ағзалар инде: улар араһында «Башҡортостан урыҫтары соборы» төбәк йәмәғәт ойошмаһы башҡарма комитеты рәйесе Виктор Пчелинцев, нефть һәм медицина университетттары ректорҙары Рәмил Бәхтизин һәм Валентин Павлов, Өфө статистика, информатика һәм иҫәп-хисап техникаһы колледжы директоры Сәйфетдин Ҡуңысбаев, Йәштәр йәмәғәт палатаһы ағзаһы Вито Сабиров.
Автор:Гөлфиә Акулова
Читайте нас в