Башҡортостан делегацияһы Германия Федератив Республикаһында «Башҡортостан дуҫтары» ойошмаһының 20 йыллығына арналған сараларҙа ҡатнаша

IMPORT Сервисный

ӨФӨ, 2017 йыл, 10 ноябрь. /«Башинформ» мәғлүмәт агентлығы, Әлиф Фәйезов/. 19-23 ноябрҙә Башҡортостан Хөкүмәте премьер-министры урынбаҫары Салауат Сәғитов етәкселегендәге республика делегацияһы Германия Федератив Республикаһының Галле, Дрезден һәм Лейпциг ҡалаларына юллана.

Саралар Башҡортостан һәм Германия араһында мәҙәни хеҙмәттәшлекте нығытыу, Өфө һәм Галле ҡалалары араһында күп яҡлы бәйләнештәрҙе уңышлы үҫтереү өсөн уңайлы шарттар булдырыу, Германияла йәшәгән ватандаштарыбыҙ менән дуҫлыҡ ептәрен нығытыу маҡсатында уҙғарыла.

Галле ҡалаһында республика делегацияһы «Башҡортостан дуҫтары» ойошмаһының 20 йыллығына арналған Юбилей аҙналығында ҡатнаша. Галле һәм Дрезден ҡалаларында йәшәүселәргә Башҡортостан сәнғәт оҫталарының концерты тәҡдим ителә. Концерт программаһында — Х. Әхмәтов исемендәге Башҡорт дәүләт филармонияһы, Ф. Ғәскәров исемендәге дәүләт академия халыҡ бейеүҙәре ансамбле артистарының сығышы. Шулай уҡ фотокүргәҙмә, башҡорт кинематографистарының фильмдарын күрһәтеү, Галле ҡалаһында башҡорт уйын майҙансығында иҫтәлекле таҡтаташ асыу тантанаһында ҡатнашыу, ҡала мэрияһында рәсми осрашыу күҙаллана.

Мәҙәниәт көндәре барышында Лейпциг һәм Дрезден ҡалаларында ватандаштарыбыҙ менән осрашыу, рус армияһының 1813-1814 йылдарҙағы сит ил походтарында ҡатнашҡан башҡорт яугирҙәренең һәйкәленә сәскә һалыу ҡаралған, тип хәбәр иттеләр Башҡортостан Хөкүмәтенең матбуғат хеҙмәтенән.

«Башинформ» агентлығы хәбәр иткәнсә, Германияла Өфө һәм Галле ҡалалары араһындағы туғандаш мөнәсәбәттәрҙең 20 йыллыҡ юбилейы һәм «Башҡортостан дуҫтары» ойошмаһының 20 йыллығы уңайынан байрам аҙналығы Мәскәүҙең «Zaman» башҡорт төркөмө концерты менән тамамлана. Мәскәү музыканттары Галлела Саксония-Анхальт ере Мәҙәниәт министрлығының шәхси саҡырыуы буйынса сығыш яһай.

#халыҡ-ара бәйләнештәр #германия федератив республикаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.