Республика эшҡыуары үҙенсәлекле гастрономия проектын – ашарға яраҡлы ҡалаҡтар тәҡдим итә

ӨФӨ, 2017 йыл, 3 ноябрь. /«Башинформ» мәғлүмәт агентлығы, Әлфиә Әғлиуллина/. Стәрлетамаҡ эшҡыуары үҙенсәлекле аҙыҡ – ашарға яраҡлы ҡалаҡтар уйлап сығарған. Ашнаҡсы Вадим Фәттәховҡа иң яҡшы ҡамыр формулаһын табыр өсөн бер йыл кәрәк булған. Һөҙөмтәлә юғары температураны күтәрә алған аш һауыт-һабаһы барлыҡҡа килгән. Улар менән хатта эҫе аштарҙы ла ашарға мөмкин. Шул уҡ ваҡытта уға тик тәбиғи ингредиенттар ғына инә, тип ышандыра уйлап сығарыусы.

Ҡалаҡтарҙы һуңынан ашап ҡуйырға ла була. «Башҡортостан» дәүләт телерадиокомпанияһы хәбәрсеһе Гөлшат Вәлиева беренселәрҙән булып үҙенсәлекле ризыҡтан ауыҙ итте.