Төбәктә ҡырағай бал ҡорттары хаҡында уникаль китапты инглиз теленән тәржемә итеүселәрҙе эҙләйҙәр

ӨФӨ, 2017 йыл, 31 октябрь. /«Башинформ» мәғлүмәт агентлығы, Гөлфиә Акулова/. «Шүлгәнташ» ҡурсаулығы хакимиәте бал ҡорттарының тәртибе хаҡында «Following the Wild Bees» китабын инглиз теленән руссаға техник тәржемә итеү өсөн инглиз телен белгән волонтерҙы эҙләй. Китаптың авторы – күренекле Америка ғалимы, апиолог Томас Дайер Сити. Һүрәттәргә бай китап 149 биттән тора һәм ҡырағай бал ҡорттары, уларҙы иҫәпкә алыу алымдары тураһында һөйләй. Был мәғлүмәт ошо бөжәктәрҙе һаҡлау менән шөғөлләнгән берҙән-бер ҡурсаулыҡ өсөн бик файҙалы булыуы мөмкин. Хәтерегеҙгә төшөрәбеҙ, ҡуңыр төҫтәге урман бал ҡорто генетик таҙалыҡ яғынан тик Бөрйән районында һәм уның эргә-тирәһендә һаҡланған. 2012 йылда «Башҡорт Уралы» комплекслы биосфера резерватын һәм уның составына ингән башҡа һаҡланған тәбиғәт биләмәләрен ойоштороу менән улар боронғо кәсеп – солоҡсолоҡ шарттарында солоҡ ҡортон һаҡлап ҡалыу менән шөғөлләнә.

Ярҙам итергә теләүселәрҙән яуаптар mnkos@mail.ru адресына һәм (34755)33710 телефоны буйынса ҡабул ителә.