Башҡортостан һәм Өфө яңылыҡтары
91.87
-0.17
99.45
-0.47
81.96
-0.19
-8 °C
Болотло
Бөтә яңылыҡтар
Йәмғиәт
30 Октябрь 2017, 07:30

Башҡортостанда алтынсы класс уҡыусыһы ике йәшлек ҡыҙҙы ҡотҡарған

Башҡортостан буйынса Эске эштәр министрлығының матбуғат хеҙмәте
Башҡортостан буйынса Эске эштәр министрлығының матбуғат хеҙмәте
ӨФӨ, 2017 йыл, 30 октябрь. /«Башинформ» мәғлүмәт агентлығы, Дарья Петрова/. Башҡортостан буйынса Эске эштәр министрлығы етәкселеге уҙған йылдың март айында ике йәшлек ҡыҙҙы ҡотҡарған алтынсы класс уҡыусыһы Ярослав Адоньевты бүләкләне.
Стәрлетамаҡтың 8-се мәктәбе уҡыусыһы дуҫтары менән урамда уйнап йөрөгән. Бер мәл ир бала икенсе ҡатта шар асыҡ тәҙрә төбөндә бәләкәй баланы күреп ҡала. Ярослав дөрөҫ һиҙемләй – бер аҙҙан ҡыҙ тәҙрәнән ҡолай башлай. Бәхеткә күрә, малай йорт янына ваҡытында барып етә һәм ҡыҙҙы ҡотҡара.
«Үҙенең батырлығы өсөн Ярослав Адоньев Башҡортостан Республикаһы буйынса Эске эштәр министрлығы етәкселеге тарафынан бүләкләнде. Тантаналы шарттарҙа 8-се мәктәп уҡыусылары алдында Ярославҡа Мәскәүгә бүләкләү тантанаһына саҡырыу ҡағыҙы тапшырылды. Унда ир бала 2 ноябрҙә бара», — тип һөйләнеләр Башҡортостан Республикаһы буйынса Эске эштәр министрлығының матбуғат хеҙмәтендә.
Автор:Дарья Петрова
Читайте нас в