Юғары уҡыу йортон һайлайбыҙ: Башҡорт дәүләт университеты Асыҡ ишектәр көнөнә саҡыра

ӨФӨ, 2017 йыл, 27 октябрь. /«Башинформ» мәғлүмәт агентлығы, Эльмира Сабирова/. Көҙгө каникулдар ваҡытында Башҡорт дәүләт университеты вуз менән таныштырыу өсөн абитуриенттарҙы көтә.

Юғары уҡыу йорто берләшмәһе билдәләүенсә, уҡыусылар Асыҡ ишектәр көнөндә генә университеттарҙың мөмкинлектәрен тулыһынса баһалай, студент тормошо менән таныша, үҙҙәренә оҡшаған белем алыу программаһын һайлай һәм ҡыҙыҡһындырған һорауҙарына яуап алыу мөмкинлегенә эйә. Бындай махсус саралар йылына бер нисә тапҡыр ойошторола.

Башҡорт дәүләт университетында Асыҡ ишектәр көнө 3 ноябрҙә көндөҙгө сәғәт 12-лә башлана. Программала ректор, факультет декандары, институт директорҙарының сығыштары ҡаралған. Абитуриенттар факультеттар һәм институттар менән яҡынданыраҡ таныша ала, уларҙы музейҙар, уҡыу һәм ғилми лабораториялар буйлап экскурсиялар, Берҙәм дәүләт имтиханын тапшырыу ҡарау көтә. Юғары класс уҡыусыларының һәм ата-әсәләрҙең һынауҙар, портфолио, конкурс, уҡырға инеү балдары, льготалар, олимпиадалар, әҙерлек курстары хаҡында һорауҙар биреү мөмкинлеге бар.

Белешмәләр өсөн телефон: 229-97-21. Электрон почта:abiturient-bsu@yandex.ru.