Башҡортостанда киң таралған экологик боҙоуҙар — законһыҙ сүплектәр

ӨФӨ, 2017 йыл, 27 октябрь. /«Башинформ» мәғлүмәт агентлығы, Ольга Мортазина/. Башҡортостанда киң таралған экологик боҙоуҙар — законһыҙ сүплектәр. Шундай 400-гә яҡын осраҡ теркәлгән. Башҡортостандың Тәбиғәттән файҙаланыу һәм экология министрлығында быйыл хоҡуҡ ҡулланыу тәжрибәһе һөҙөмтәләрен асыҡ тикшереүҙә ошо хаҡта хәбәр иттеләр. Йыл башынан ведомство инспекторҙары тәбиғәтте һаҡлау ҡануниәтен 2,3 мең боҙоу осрағын асыҡлаған. Шуның 70 проценты ҡалдыҡтар менән эш итеү өлкәһенә ҡарай.

«Һуңғы ваҡытта тәртип боҙоуҙар кәмей. Беҙ ойошторған семинарҙар һәм аңлатыу саралары үҙ һөҙөмтәһен бирә. Предприятиелар яҡшыраҡ эшләй башлай, һәм был ҙур алға китеш», — тине министр урынбаҫары Филүс Яхин.