Республикала «Алтын ҡулдар» индустриаль мәктәбе барлыҡҡа киләсәк

ӨФӨ, 2017 йыл, 26 октябрь. /«Башинформ» мәғлүмәт агентлығы, Ғәлиә Нәбиева/. Башҡортостанда «Алтын ҡулдар» селтәр индустриаль мәктәбе ойошторола. Яңы уҡыу йортоноң программаһы проектын белгестәр «Киләсәк мәғарифы» Өфө халыҡ-ара мәғариф салонында тикшерҙе.

Форумдың һуңғы көнө өлкән кластарҙа профилле уҡытыуҙы ойоштороуға, мәктәп уҡыусыларының һөнәр алыуына, белем биреү учреждениелары менән эш биреүселәрҙең үҙ-ара эш итеүенә арналды.

«Киләсәк мәғарифы» Өфө халыҡ-ара мәғариф салоны белем биреү киңлегендәге бөтә ҡатнашыусылар араһында фекер алышыу һәм үҙ-ара эш итеү өсөн тәүге төбәк проектына әйләнде. «Киләсәк мәғарифы» - бөтә ҡатнашыусылар өсөн шәхси юллама менән үҙенсәлекле ҙур белем биреү картаһы. Иң яҡшы тәжрибә, асыштар, профессиональ педагогик һәм бизнес-берләшмәнең продукттары һәм хеҙмәттәре ошо эшлекле программала ла, күргәҙмә киңлегендә лә күрһәтелде, тип аңлаттылар Башҡортостан Мәғариф министрлығының матбуғат хеҙмәтендә.