Өфөлә Мостай Кәримдең исемен йөрөткән самолетты ҡаршы алдылар

Олег Яровиков

Дарья Петрова

ӨФӨ, 2017 йыл, 20 октябрь. /«Башинформ» мәғлүмәт агентлығы, Дарья Петрова/. Кесе йома, 19 октябрҙә, «Өфө» халыҡ-ара аэропортына Мостай Кәримдең хөрмәтенә аталған самолет осоп килде. «Аэрофлот» авиакомпанияһының пассажирҙар ташыусы Sukhoi Superjet 100 самолеты сентябрь һуңында Башҡортостандың халыҡ шағиры исемен алды. Һауа судноһы билдәле бер йүнәлешкә беркетелмәгән һәм Өфөгә тәүгә осоп килде. Мәскәүҙең «Шереметьев» аэропортынан килгән рейсты ихласлап ҡаршы алдылар – Башҡортостан еренә аяҡ баҫҡан һәр пассажир ҡәнәфер менән бүләкләнде.

«Атайымдың «Күкрәгемдән ҡоштар осорам...» тигән шиғыры бар. Һәм бына ул хәҙер ҡош кеүек оса. Төрлө ерҙәргә, илдәргә, Өфөгә һәм Мәскәүгә осасаҡ, был минең өсөн бик символиклы, — тип һөйләне журналистарға шағирҙың ҡыҙы Әлфиә Кәримова. — Мин бик шатмын, «Аэрофлот»ҡа был ваҡиға өсөн бик ҙур рәхмәт».

Авиакомпанияһында һөйләүҙәренсә, Бөйөк Ватан һуғышы йылдарында һауа судноларына исемдәр бирелә башлай. Һуңынан оҙаҡ йылдар йола онотолоп ҡала, уны 2004 йылда – легендар летчик Василий Чкаловтың (уның хөрмәтенә самолеттарҙың береһе аталған) 100 йыллығында тергеҙәләр. Самолетты Мостай Кәримдең исеме менән йөрөтөү башланғысы менән Башҡортостан Башлығы Рөстәм Хәмитов сығыш яһаны.

«Башҡортостан Республикаһы шәхестәре Ватаныбыҙ тарихына, ғилеменә, мәҙәниәтенә тос өлөш индергән. Республикабыҙ 2019 йылда үҙенең ойошторолоуының 100 йыллығын билдәләй. Республикабыҙҙың исемен донъя һәм ил әҙәбиәте тарихына яҙған Башҡортостандың халыҡ шағиры Мостай Кәрим ошо ваҡиғаның тиңдәше, – тиелә Рөстәм Хәмитовтың «Аэрофлот» етәкселегенә адресланған хатында. – Мостай Кәримдең шәхес булараҡ әһәмиәтен һәм ижадын, Рәсәй әҙәбиәте хазинаһына уның өлөшөн иҫәпкә алып, «Аэрофлот» һауа судноларының береһенә уның исемен ҡушыу мөмкинлеген ҡарауығыҙҙы һорайым. Авиакомпания тарафынан был изге аҙым күп милләтле Рәсәй мәҙәниәте арҙаҡлы эшмәкәрҙәренең береһенең 100 йыллығы алдынан илдең йәмәғәт тормошонда мөһим ваҡиға буласаҡ».

1 из 9

#мостай кәрим #өфө аэропорты

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.