Башҡортостанда ике бәләкәй балалы ғаилә ике йылға яҡын төпкөлдә, цивилизациянан алыҫта йәшәгән

IMPORT Сервисный

ӨФӨ, 2017 йыл, 20 октябрь. /«Башинформ» мәғлүмәт агентлығы, Гөлфиә Акулова/. «Башҡортостан» милли паркының ғилми хеҙмәткәрҙәре, ике бәләкәй балалы Дилә һәм Илдус Нурмөхәмәтовтар ике йыл самаһы Кәшәлелә — «Шүлгәнташ» ҡурсаулығының милли парк менән сиктәш урында йәшәгән.

Элек Кәшәле Нөгөш йылғаһының уң яҡ ярында бәләкәй ауыл булған. Оҙаҡ йылдар бында урмансы Рәшит Күҫәпов ҡатыны менән тормош көткән. Уның вафатынан һуң был урында терәк пункт, өй, һуңғараҡ туристар өсөн павильон төҙөгәндәр.

«Беҙҙең һәр ваҡыт төпкөлдә, таҙа урында, ҡала тормошонан алыҫта йәшәү, саф һауа һулау, таҙа һыу эсеү теләге булды. Шуға ла беҙгә Кәшәлелә йәшәргә тәҡдим иткәс, яңы урынға күсендек», — тип һөйләне Нурмөхәмәтовтар «Пульс-М» гәзитенә интервьюһында.

Милли парктың яңы хеҙмәткәрҙәре алдына ошо биләмәне һаҡлау, килгән кешеләргә ҡурсаулы урындарҙа үҙеңде нисек тоторға кәрәклеген аңлатыу, уларға ярҙам күрһәтеү бурысы ҡуйыла. Ғаилә йәнлектәрҙе, ҡоштарҙы, балыҡтарҙы, умыртҡаһыҙҙарҙы һәм үҫемлектәрҙе иҫәпләү, һирәк осрай торған һәм юғалып барған йәнлектәр һәм үҫемлектәр популяцияһын өйрәнеү менән шөғөлләнгән, климатты күҙәткән. Мәҫәлән, Илдус Нурмөхәмәтов һирәк осраған бөркөттәрҙе, торналар бейеүен видеоға һәм ҡолаҡлы ябалаҡтарҙы фотоға төшөрөп алған. Үҫемлектәрҙән милли паркта тәүгә ҡыуыҡлы үлән һәм ҡыҙғылт тажлы тюльпандарҙың ғәҙәти булмаған популяцияһы теркәлгән.

«Кәшәлелә эш етерлек булды, ләкин графикты үҙебеҙ билдәләнек, шуға күрә бер эш тә ауыр тойолманы. Тәүҙә, әлбиттә, күнегелгән шарттарһыҙ ҡыйынғараҡ тура килде, әммә әкренләп көнкүреште яйға һалдыҡ. Элемтә — спутник, интернет, телефон тәрилкә аша ине. Һыуҙы тәүҙәрәк йылғанан ташыһаҡ, туғыҙ айҙан һуң көҙ көнө скважина быраулап, өйгә һыу үткәрҙек. Электр ҡояш батареяһынан ала торғайныҡ. Йәйгеһен ул бөтә нәмәгә лә етә, ә бына ҡыш көнө аҙлап ҡулландыҡ. Өйҙө утын менән йылыттыҡ, ҡатыным икмәкте үҙе бешерҙе. Балаларға Кәшәлелә бик оҡшай ине, сөнки ҡышҡыһын урман буйлап йөрөйбөҙ, йәй иһә көн һайын һыу инәбеҙ», — тип һөйләне Илдус.

Быйыл көҙ ғаилә Нөгөш ауылына ҡайтты, ләкин «Башҡортостан» милли паркында эшләүен дауам итә.

«Беҙ Кәшәлегә бик рәхмәтлебеҙ, ул күңелебеҙҙә бик күп яҡты хәтирәләр ҡалдырҙы һәм йөрәгебеҙҙең бер өлөшөн үҙе менән алып ҡалды», — тип өҫтәне Нурмөхәмәтовтар.

1 из 5

#башҡортостан милли паркы #кәшәле

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.