Төбәктә «Вимм-Билль-Данн» компанияһы продукцияһында табылған бешмә вирусы хаҡында мәғлүмәт — ялған

Олег Яровиков

IMPORT Сервисный

ӨФӨ, 2017 йыл, 17 октябрь. /«Башинформ» мәғлүмәт агентлығы, Эльмира Сабирова/. Бөгөн социаль селтәрҙә һәм WhatsApp мобиль мессенджерында Башҡортостан халҡы «Вимм-Билль-Данн» компанияһының һөт ризыҡтарын һатып алыуҙы һәм ҡулланыуҙы тыйған хәбәрҙәр ала.

Атап әйткәндә, граждандар түбәндәге хәбәрҙәр менән бүлешә: «Роспотребнадзор» ҡатнашлығында кәңәшмә булды: «Вимм-Биль-Данн»дың һөт продукцияһында бешмә асыҡланған, 11 октябрҙән һуң етештерелгән продукция һатыуҙан алына һәм юҡ ителә. Компанияның брендтары: «Домик в деревне», «Агуша», «Иммунеле», «Ламбер» сыры, «Весёлый молочник», «Чудо», «Кубанская буренка». Һатып алмағыҙ!!! Бөтәһен дә сығарып ташлағыҙ!». Кешеләр ошондай йөкмәткеле текстарҙы яҡындарына ебәрә.

Ләкин, «Башинформ» агентлығына билдәле булыуынса, был бер ниндәй дәлилдәре булмаған ялған мәғлүмәт.

«Әлеге хәбәр дөрөҫлөккә тап килмәй. Термик эшкәртеү үткән малсылыҡ продукцияһы кешеләрҙең ғүмеренә һәм һаулығына хәүеф менән янамай. Һүҙ пастеризацияланған һәм ҡайнатылған һөт, шулай уҡ колбаса йәки бешкән ит хаҡында бара», — тип билдәләне «Роспотребнадзор»ҙың Башҡортостан идаралығының матбуғат хеҙмәте етәксеһе Анастасия Кучимова.

Бешмә — малдар араһында таралған вируслы сир. Вирус ауыҙ ҡыуышлығының лайлалы тиресәһе һәм тиренең зарарланған урындары аша кеше организмына үтеп инә. Тән температураһы күтәрелә, баш һәм мускулдар ауырта, лайлалы тиресә шешә. Ауырыуҙы дауаларға мөмкин.

Бешмә ауырыуы Туймазы районында теркәлгәйне. 5 октябрҙән унда ғәҙәттән тыш хәл режимы индерелде.

#бешмә #һөт продукцияһы #«роспотребнадзор»ҙың башҡортостан идаралығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.